Book Title: Siri Usahanahchariyam
Author(s): Vijaykastursuri, Chandrodayvijay Gani
Publisher: Nemi Vigyan Kastursuri Gyanmandir
View full book text
________________ 102 सिरउसहनाहचरिए संसारमहोयहिमि भमंताणं जणाणं महारयणं पिव उत्तमं माणुसं जम्म अच्चंत दुल्लई, 'दोहलेण पायवो इव देहीणं मणुअत्तणं पि परलोगसाहणेणं धुवं सहलीहोइ / आवाय-मेत्त-महुरा, परिणामेऽइदारुणा / 'सढवाया इवाऽच्चंत, विसया वीस-पंचगा // संसारमंतरवट्टिसमग्गपयत्थाणं संजोगा ऊसया पडणंता इव विप्पओग-पज्जता संति, एयंमि संसारे पाणीणं आउं जोवणं च परुप्परं फद्धाए चिय सिग्यं गमिराई चिय, अस्स संसारस्स चउसु वि गईसु मरुम्मि जलमिव कयाई मुहलेसो वि नत्थि चित्र, तहाहि-खेत्तदोसेणं परमाहम्मिएहि पि मिहो य संकिलेसिज्जमाणाणं नेरइयाणं कुओ मुहं ?, सीय-वाया-ऽऽयव-जलेहि वह-बंध- खुहाईहिं च विविहं बाहिज्जमाणाणं तिरियाणं पि किं सुहं ?, गब्भवास-जम्मण-वाहि-जरा दालिद-मच्चुजायदुक्खेहिं आलिंगियाणं मणसाणं कुओ सुहं ?, अण्णुण्णमच्छराऽमरिस-कलह-चवगुप्पण्णदुहेहिं देवाणं पि कयाइं सुहलेसो वि णेव अस्थि, तह वि नीयाभिमुहगामिजलं व अन्नाणाओ पाणिणो भुज्जो भुज्जो संसार-संमुहं परिसप्पंति, तम्हा सचेयणा भव्वा ! अप्पणो अणेण जम्मणेण दुद्धेण भुजंगमं पिव मा पोसेह, तो हे विवेगवंता ! जणा ! संसारनिवासुब्भवं अणेगविहं दुहं विआरिऊण सव्वप्पणावि मोक्खाय जएह, निरयदुहसंनिहं गब्भवाससंजायं दुक्खं संसारे विव जीवाणं मोक्खे नत्थि, घडीमज्झाऽऽकढिज्जमाण-नारग-पीला-सरिसा इह पसवजायवेयणा वि कयावि परमपए न सिया, अभितर-बाहिर-परिक्खित्त-सल्ल-सरिच्छाओ बाहानिबंधणं न आहीओ न विवाहीओ तत्थ हुंति, कयंतस्स अग्गदुई सव्वतेयहरणी पराहीणजणणी जरा तत्थ सव्वहा न, नेरइय-तिरिच्छ- नर-देवाणं पिव भवभमणकारणं भुज्जो मरणं तत्थ न संजायइ, किंतु तत्थ महाणंदं सुह, अवीयं अव्वयं रूवं, सासयं केवलाऽऽलोग-भकखरं नाणं अस्थि, निम्मलं नाण-दसण-चारित्तरयणतिगं निरंतरं पालिता भव्वजीवा तं च मोक्खं पावंति / तत्थ जीवाजीवाइनव-तत्ताणं संखेवो वित्थरओ वि जहवावबोहो जो तं सम्मन्नाणं वुच्चइ, अवंतरभेएहिं मइसुओ-हि-मणपज्जवेहिं केवलनाणेण य तं नाणं पंचविहं संमयं, अवग्गहाइभेएहिं बहु-पमुहेहिं इयरेहिं पि भेएहिं भिन्नं इंदियाऽणिदियसंभवं मइनाणं पण्णत्तं 1 / पुन्चसुएहिं अंगुवंगेहिं पइन्नगेहि पि बहुप्पयारेण वित्थडं, 'सियासदलंछियं सुयनाणं अणेगहा विष्णेयं 2 / देव 1 दोहदेन / 2 शठवाचा / 3 विश्ववञ्चकाः / 1. उच्छ्याः -वृद्धयः / 5 गत्वराणि / 6 मत्सरःईर्ष्या। अमर्षः-असहिष्णुता / 7 आधयः-मामसिकपीडाः / 8 स्याद्-शब्दलाछितम् /
Page Navigation
1 ... 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250