Siri Usahanahchariyam

Author(s): Vijaykastursuri, Chandrodayvijay Gani
Publisher: Nemi Vigyan Kastursuri Gyanmandir

Page 244

220 सिरिउसहनाहचरिए एयम्मि समयम्मि अवयंसीकय-पंकओ चलंतमोत्तियकुंडलो सो भरहो वारिम्मि सक्खं वरुणदेवो विव लक्खिज्जइ, लीला-विलास-सामज्ज-निवेसणाय विव इत्थीहिं 'अहमहमिगयाए वारीहिं भूवई अहिसिंचिज्जइ, अच्छराहिं पिव जलदेवयाहिं पिव अभिओ जलकीलापसत्ताहिं ताहिं रमणीहिं सह रमेइ, 'निय-पाडिप्फद्धीणं कमलाणं दसणेण विव हरिणणयणाणं दिट्ठीओ वारीहिं तंबत्तणं पावेइरे, अंगणाणं अंगाओ विगलिएहि घणेहि अंगरागेहिं सकदमाई जलाई जक्खकदमत्तणं पाविति / एवं भरहनरिंदो विविहप्पयारेहि बहुसो जलकीलं कुणेइ। कयाई वि सक्किदो व्व संगीयगं कारिउ सो पुढवीवई विला समंडवसहं उवविसइ, तत्थ वीणावायगोत्तमा मंताणं जैकारं पिव संगीयकम्माणं पढम सुस्सरं वेणुं पुरिति, वइणविगा सवणसुहेहिं फुडवंजणधाऊहिं सरेहिं एगारह-विहाओ वीणाओ वायंति, 'रंगायरिआ तयतयकवित्तणाणुगयं निच्चाभिणयमायरं नामेणं पत्था- .. रसुंदरं तालं धरेइरे, 'मयंगवायगा पणववायगा य पियमित्तो व्व अण्णुण्णं मणयं पि अणुज्झंता नियं नियं वाइत्तं वारन्ति, हाहा-हूहू-देवगंधव्वाऽहंकारहारिणो गायगा सरगीइमणोरमे नवनवजाइरागे गायंति, लास-तंडवपंडिओ नटिआगो विचित्तेहिं अंगहारेहिं करणेहि पि सन्वेसि विम्यं कुणंतीओ तारं नच्चेइरे, भरहनरिंदो पेक्खणिज्जाई एपाई ति अविग्धं पेक् खेइ, 'जहिं तहिं पसत्ताणं पहणं को हि बाहगो' ?, एवं भरहेसरो कामभोगे भुंजमाणो सामिमोक्खदिणाओ पंच पुव्वलक्खाई अइवाहेइ / भरहस्स रयणायंसगिहम्मि केवलनाणुप्पत्ती अण्णया विहियसिणाणो कयबलिकम्मो"देवदसंऽमुयलुहियसरीरो पुप्फमालागंठिअकुंतलो गोसीसचंदणकयसव्वंगविलेवगो सव्वंगीणनिहियाणग्यदिव्वरयणभूसणो वरजुबईगणपरिवरिओपडिहारीए दंसिज्जमाणपहो सो भरहो अंतेउरगेहभंतरम्मिरैयणायसगिहं गच्छेइ, अइनिम्मले आगासफलिहुवमे तत्थ दप्पणे पडिबिंबिअं जहपमाणं सव्वंगं रूवं दीसई, तत्थ य अप्पणो देहं पेक्खमाणस्स भरहेसरस्स एगयमाए अंगुलीए अंगुलि 1 अवतंसीकृतपङ्कजः-कर्णाभूषणीकृतपङ्कजः / 2 साम्राज्यम् / 3 अहमहमिकया / : निजप्रतिस्पर्चिनाम / 5 ताम्रत्वम्-रक्तत्वम् / 6 वैगविकाः-वीणावादकाः / 7 स्वरैः / 8 रजाचार्याः-सत्रधारा:. तत्तत्कवित्वाऽनुगतम् / 9 मृदङ्गवादकाः। 10 वादित्रम्-वाद्यम् / 11 देवदूष्यांशुक / 12 रत्नादर्शगृहम् / . 13 अंगुलीयकम्-मुद्रिका।