Book Title: Siri Usahanahchariyam
Author(s): Vijaykastursuri, Chandrodayvijay Gani
Publisher: Nemi Vigyan Kastursuri Gyanmandir

View full book text
Previous | Next

Page 187
________________ उभण्ह सेण्णाण सज्जीभवण / 163 सोमजसो तूलाई पत्रणो इव सेण्णाई दिसोदिसिं खेत्तुं सक्को, तस्स य वैएण कणिहो विक्कमेण उ गरिहो महारहो सीहरहो पुत्तो सत्तुसेण्णदवानलो अत्थि, किंच बाहुबलिणो अवरेसु य पुत्त-पोत्ताईसु इक्किक्को अक्खोहिणीमल्लो कयंतस्स वि भयसंपाडणपक्कलो अस्थि / तस्स य सामन्ताइणो सामिभत्तीए बलेण य जइ तुलिज्जति तया ते वि तेहिं सद्धिं पंडिमाणस्थिआ इव समाणभति-बलवंता संति / अण्णसइण्णम्मि जह महाबलो एगो अग्गणी जारिसो होइ तस्स सइण्णम्मि सव्वे वि महोयंसिणो सुहडा तारिसा संति / सो महावाहू बाहुबली ताव दूरे अत्थु, जुद्धम्मि एयस्स एगा वि सेण्णरयणा वज्जव्व दुब्भेयगिज्जा / तो पुवदिसिरवणा पाउसभवजलहर पिव तुम्हे वि संगामाय गच्छंतं सुसेणसेणावई अणुगच्छेह' / निश्पहुगो सुहोवमगिराए अंतोभरिया विव ते पुलए ण समंतओ फारीभवंतदेहा जाया / भरहनरिंदेण विसज्जिया ते जयसिरीणं पिव पइवीराणं सयं वरणं कुणमाणा स-गेहं गच्छेइरे / उभण्हं सेण्णाण संगाम8 सज्जीभवणं तइया दुण्ह भरह-बाहुबलीणं पसाय-जल-जलहीणं तरि इच्छमाणा वीरवरा रणकम्मम्मि सज्जेइरे / अह ते किवाण-चाव-सरहि-गया-पमुहाई नियाई नियाई सत्थाई देवे विव अञ्चिति / ऊसाहेण नच्चमाणचित्तस्स तालं पूरिउ पिव ते महासुहडा सत्थाणं पुरओ तुरियाई वाएइरे / निम्मल निय-जसेहिं पित्र महा. .भडा सुरहीहिं नवचंदणुव्वदृणेहि अप्पणो देहं मेज्जेइरे / णडालेसुं आबद्धकिण्हपड-वीरपट्ट-सोहाविडंबगे णडालालंकारे मिगमएण सुहडा विरयति / उभयसेण्णे वि सत्थाणं जागरणं कुणमाणाणं सत्थसंबंधिसङ्गामकहाओ य समायरंताणं वीराणं निदा भीया इव न समागया, पभाए जुद्धाभिकंखीणं उभयसेण्णवीराणं तिआमा सययामा वित्र कहंचि वि सा गया / अह आइच्चो उसहपुत्ताणं रणकीला-कोठेहल्लं पेखिउं पिच उदयायलसिहरं आरोहेइ, तइआ उभेसुं सेण्णेसु मंदरायल-संखुब्भमाण-जलहिजलाणं पिव पलयकालसंजाय-पुक्खलावट्टय-जलहराणं इव दंभौलितालिज्जमाणगिरीणं पिव रणतुरियाणं महंतो निणाओ होइ, तया पसप्पंतेण तेण रणाऽऽओज्जनिणाएण तम्मि समए उक्कण्णताला दिसिगया तसिंति, जलजंतुणो भयभंतचित्ता 1 वयसा / 2 अक्षौहिणी-महती सेना / 3 प्रतिबिम्बस्थिता इव / 4 -प्राइभव जलधरम् / 5 माजयन्ति / 6 ललाटालङ्कारान् / 7 मृगमदेन-कस्तूर्या / 8 त्रियामा-रात्रिः / 9 कुतूहलम् / 10 दम्भोलि:बजः।" आतोद्य-वाद्यम् /

Loading...

Page Navigation
1 ... 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250