Book Title: Siri Usahanahchariyam
Author(s): Vijaykastursuri, Chandrodayvijay Gani
Publisher: Nemi Vigyan Kastursuri Gyanmandir
View full book text
________________ 167 संगामपारंभे जिणिंदपूअणं / . सामि ! पुढवीए विहरमाणस्स तुम्ह वि चरणरेणवो नराणं पावदुमुम्मूलणे दाउं तुम चिय एगो सको सि, जे तुम्हेच्चय-पाय-पउमेसु भमरायति ताणं मणस्स मेरुप्पमुहं पित्र लोयग्गं न दुरे, देव ! भवंत-देसणावयणेहिं पाणीणं कम्मपासा जलहरजलेहिं जंबुफलाई पिव सिग्धं गलंति, जगदीसर ! तुमं मुहं मुहुँ पणमिचा इमं पत्थेमि तुम्ह पसायाओ तुमम्मि भत्ती जलहिजलमिव अक्खया होउ" इअ आइनाई थुणिऊण नसंसिऊण य भत्तिमंतो चक्कवट्टी भरहनरिंदो देवयागाराओ निग्गच्छेइ / तओ सो निवो पमाणविनिम्मियं कवयं भुज्जो भुज्जो सिढिलीकाऊण हरिसससिएण अंगेण धरेइ, तेण अंगलग्ग-दिव्य-मणिमइयवम्मेण महीवई माणिक्कपूआए देवपडिमा इव विराएइ / तो सो भरहेसरो बीयं मउडं पिव मज्झम्मि उच्चं छत्तवटुलं सुवण्णरयण---सिरत्ताणं धरेइ, नागराए विव अच्चंत--तिक्ख-- नाराय --दंतुरे दोण्णि तोणीरे पिट्टम्मि बंधइ, तो सो इंदो विव उज्जुरोहियधणुहं वामेण पाणिणा वेरि-पडिऊलं कालपुटुं महाधणुं उवादेइ / सो सूरो विव अण्णतेयंसीणं तेयं गसमाणो, भगदो इव लीलार थिरपायन्नासं कुणतो, मइंदव्य अग्गओ पडिवीरे तिणं पिव गणितो. पन्नगिंदो इव दुब्बिसहदिडीए बीहैणगो, महिंदुव्व उच्चएहिं 'बदिबुदारगेहिं थुणिज्जमाणो भरहनरिंदो रणकुसलं महागयं समारोहेड / अह ते दुण्णि वि भरहबाहुबलिनरिंदा कप्पतरुव्य बंदीणं दविणं दिता, सहस्सक्खव्व समागयनिय-सेण्णाइं पासंता, मुंणालं रायसव्व एग वाणं धरता, कामकहं विलासिपुरिसव्व रणकहं कुणंता, महूसाहा महोयंसिणो ते उभे नहमज्झम्मि दिणयरव्व निय-निय-सेण्णमज्झम्मि समागच्छन्ति / निय- सइण्णभंतरसंठिओ भरहो बाहुवली य जंबूदीवमज्झवटि-मेरुगिरि-सिरिं धरेइ / ताणं दण्डं सेण्णाणं अंतोवट्टिणी भूमी निसढ-नीलवंतगिरीणं मज्झम्मि महाविदेहखेत्तभूमीव लक्खिज्जइ / ताण दुण्णि वि सेणाओ कप्पंतसमए पुव्वाऽवरवारिनिहिणो इव पंतिरुवाओ होऊण अभिसप्पेइरे / पंति विप्फुट्टिऊण बाहिरं गच्छंता पाइक्का रायदुवारपालेहिं सेऊहिं जलपवाहा इव निवारिज्जति, ते सुहडा रायादेसेण तालेण एगसंगीय-वत्तिणो नट्टगा इव परुप्परं समपायनासं चलन्ति, निय-थाणं अचइऊण गच्छंतेहिंसव्वसेणिगेहिं ताणं दुहं सेणाओ इक्क-देहाओ विव विरायति / ते सुहडा रहाणं लोहमुहचक्केहिं पुढविं फाडता, लोहकुद्दालकप्पेहिं आसाणं खुरेहिं खणता, 1 जन्मान्धानाम् / 2 तूणीरौ / 3. भीषणो-भयजनकः / 1 बन्दिनः-स्तुतिपाठकाः / 5 मृणालम् - पद्मनालम् 6 यरस्पर संमुखं गच्छन्ति 7 विस्फोटथ-तोडीने /
Page Navigation
1 ... 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250