Siri Usahanahchariyam

Author(s): Vijaykastursuri, Chandrodayvijay Gani
Publisher: Nemi Vigyan Kastursuri Gyanmandir

Page 233

209 भरहस्स सोगो सोगगंठी महंतेण महापवाहस्स महंतेण वेगेण पालीबंधो विव फुट्टेइ, तओ सुरासुरमणसाणं रुदिएहिं रुदिएहिं तेलुक्के वि कलुणरसो इक्कच्छत्तो विव होत्था, तो आरम्भ लोगे वि देहीणं सोगसंभवे एसो सोग-सल्ल-विणासगो रोयणमग्गो पट्टिओ, भरहभूवई 'नेसग्गिरं धीरिअं चइऊण दुहिओ तिरिए वि हि 'दुहावितो एवं विलवेइहा ताय ! हा जगवंधु ! हा किवारससागर ! अण्णाणिणो अम्हे इह भवारण्णे कहं चत्तवंत्तो सि, दीवं विणा अंधयारे विव अभिलाण-केवलणाण-पयासगेण तुमए विणा एत्थ भवे कह ठाइस्सामो ?, परमेसर ! छउमत्थजणस्सेव तुह किं एयं मोणं, देसणं कुणेसु, अमुं जणं किं नाणुगिण्हेसि !, अहवा जेण भयवं ! लोयग्गं गच्छित्था तेण तुम न भासेसि, किंतु ते वि मज्झ बंधवो दुहियं मं किं न भासेइरे, अहवा हुं णायं ते हि सइ सामिणो अणुगामिणो संति, मम कुलम्मि में विणा अवरो को वि सामिस्स अणणुगो नत्थि / जगत्तयताया ताओ, बाहुबलिपमुहा लहुबंधवो, बंभी-सुंदरीओ बहिणीओ, पुंडरीआइणो पुत्ता, सिज्जंसपमुहा पोत्ता एए सव्वे अहिलकम्मसत्तुणो हतूण लोअग्गं उवगया, अहं तु पियजीविभो अज्जावि जीवामि / तइया सोगेण जीविय-निविणं मरिउं इच्छंत पिव चावहिं दणं पागसासणो तं बोहिउं एवं पारंभेइ भरहेसर ! महासत्तरेहिर ! अम्हाणं एसो सामी सयं संसारसमुई तरित्या, अवरे वि य तारिंसु, 'तित्थेण महाणई पिव जिणिंदसंठविअतित्थेण अण्णे वि संसारिणो जीवा चिरं संसारसागरं उत्तरिस्संति, सयं हि एसो कयकिच्चो भयवं अवरे विजणे कयकिच्चे काउं पुचलक्खवरिसं जाव सो अवस्थिओ / निहिलं लोगं अणुगिहिऊण सिव-मयल मरुय-मणंत-मक्खय-मव्वाबाहमपुणभवं सिद्धिगइनामधेयं ठाणं संपत्तं जग. सामि राय ! किं नाम "सोएसि / जो पेच्च महादुहोहहाणेसु जोणिलक्खेसु अणे. गसो संचरेइ सो हि परासू सोइज्जइ / . नरिंद ! साहारणजणेसुं पिव संपत्तपरमपयं पहुं सोचतो किं न लज्जसि ?, सोगं कुणंतस्स तुह सोयणिज्जस्स य पहुणो उभण्डं पि इमं न उइअं / जो हि एगया वि सामिणो धम्मदेसणं सुणित्था सो कया वि सोगहरिसेहिं न जिणिज्जई 1 नैसर्गिकं धैर्यम् / 2 दुःखयन् / 3 त्यक्तवान् / 4 पौत्राः / 5 प्राप्तनिर्वेदम् / 6 तीर्थेनजलावतारमार्गेग / 7 शोचसि / 8 प्रेत्य-मृत्वा / 9 परासुः-मृतः शोच्यते / 27