Siri Usahanahchariyam

Author(s): Vijaykastursuri, Chandrodayvijay Gani
Publisher: Nemi Vigyan Kastursuri Gyanmandir

Page 236

सिरिउसहनाहचरिएं णेसु अज्जावि एसो विही दीसइ / केइ उ'लद्धभस्सा भत्तीए तं भप्पं वंदेइरे, तओ पहुडि भप्पभूसणा ते तावसा जाया, तो देवा अवयगिरिणो नव्वं सिहरत्तयं पिव चिया-थाणत्तए रयणत्थूवत्तयं विहेइरे, तओ नंदीसरदीवम्मि सासयपडिमामहूस किच्चा इंदसहिया ते देवा नियं नियं थाणं गच्छन्ति / सव्वे इंदा स-स-विमाणेसु सोहम्माए परिसाए माणवगत्थंभम्मि वट्ट-वहर-समुग्गए सामिदाढाओ निवेसिति, निवेसिऊण निरंतरं ताओ अच्चिति, तासि पहावाओ ताणं सइ विजयमंगलाई सिया। अट्ठावयस्स उवरिं भरहकारिओ सिंहनिसज्जाजिणपासाओ भरहनरिंदो य तत्थ पहुसक्कारासण्णभूमियलम्मि जोयणायाम ति-कोससमुस्सयं निव्वाणपासायस्स सप्पहं नामेण सिहनिसज्ज पासायं वद्धइरयणेण उच्चएहिं. रयणपासाणेहिं कारवेइ, तस्स य सामिसमवसरणस्स इव फलिहपाहाणमइआई रश्माई चउरो दाराई जायाई, तत्थ पइदुवारं उभयपासेसुं सिवसिरीणं कोसा विव सोलस रयणचंदणकलसा राति, दुवारे दुवारे रयणमइया सोलह तोरणा सक्खं अभिओ समुन्भूया पुण्णवल्लीओ विव संति, दारे दारे पासायदुवारैविण्णसिय-पसत्थि-लिविसंणिहाई मंगलकारगाई सोलस अट्ठमंगलाई संति, तेसु य दुवारेसु चउण्हं दिसिवालाणं पि आहरिआओ सहाओ विव विसाला मुहमंडवा विज्जतिं, तेसिं च चउण्हं मुहमंडवाणं पुरओ मंडवंतम्मि सिरिवल्लीणं पेक्खागेहमंडवा हुंति, तेसिं च पेक्खामंडवाणं मज्झभागेमुं सूरबिंबविडंबिणो वइरमइया अक्खाडगा संति, अक्खाडगे अक्खाडगे य मज्झभागम्मि कमलमज्झे कण्णिगा विव मणोहरं रयणसिंहासणं अत्थि, पइपेक्खामडवपुरओ मणिपीढिआ होइ, तीए य उवरि रयणसालिणो चेइयथूभा भवंति, ____ ताणं च चेइयथूवाणं पुरओ विज्जोइयंऽबरा पच्चेगं च पइदिस महई मणिपीढिआ हवइ, तीए पच्चेअं अवरिं चेइयत्थूभ-संमुहीणा सव्वंगं रयणनिम्मिआ पंच धणुहसयमाणा नामेणं उसहा चंदाणणा वारिसेणा वद्धमाणत्ति पल्लंकासणसंठिा मणोहरा नयण-केरव-चंदिमा नंदीसरमहादीवचेइयमज्झम्मि सासयजिणपडिमा विव पडिमा हवंति, / तेसिं च पच्चंग चेइयथूभाणं पुरओ अणग्यमाणिक्कमइआ विसाला चारुपीढिआ अत्थि, तासिं च पीढिआणं पुरओ पच्चेगं चेइयपायवा, ताणं चेइयतरूणं पुरओ पच्चेग मणिपीढिआओ संति, ताणं च पच्चेगं पि उवरिं इंदज्झओ धम्मेण दिसिदिसि अहिरोविओ जयत्थंभो विव हवइ, पच्चेगं पि य इंदज्झयाणं च 1 लब्धभस्मानः / 2 भस्म / 3 विन्यस्त° / 1 अक्षवाटाः-प्रेक्षकयोग्यासनानि / 5 चैत्यस्तूपाः /