Book Title: Siri Usahanahchariyam
Author(s): Vijaykastursuri, Chandrodayvijay Gani
Publisher: Nemi Vigyan Kastursuri Gyanmandir
View full book text
________________ 288 सिरिउसहनाहचरिए डलं धरतो, गयणम्मि पुरओ चलंतेण असाहरणतेएण धम्मचक्केण चक्केण चक्कवट्टी विव रायमाणो, पुरओ तुंगेण लहुज्झयसहस्समंडियधम्मज्झएण सव्वकम्मजयत्थंभेण विव सोहमाणो, गयणे सयं सदायमाणेण दिव्य-दुंदुहिणा निन्भरं किज्जमाणपयाणारिहकल्लाणो विव, नहथिएण पायपीढसहिएण फलिहरयणसीहासणेण नियजसेण इव उवसोहिओ, अमरेहिं संचारिज्जमाणेसु कणयकमलेसुं रायहंसो विव सलीलं पायणासं कुणमाणो, भयेण रसायलं पविसिउं इच्छंतेहिं पिव अहोमुहेहिं तिण्हतुंडेहि कंटगेहि पि अणाकिलिट्ठपरिवारो, अणंगसहेज-जाय-पावस्स पायच्छित्तं काउं पिव सयले हिं पि उँऊहिं जुग उवासिज्जमाणो, दुराओ उच्चएहिं सण्णारहिएहिं पि नामियसिहरेहिं मग्गतरूहि अभिओ नमंसिज्जमाणो विव तालवेटाणिलेण विव अणुऊल-मउयसीयलेण अणिलेण निरंतर सेविज्जमाणो, सामिणो पडिऊलाणं न सुहं होज्जत्ति नाऊण विव पयाहिणं उत्तरंतेहिं पक्खोहिं लंधिज्जमाणऽग्ग-मग्गो, वेलातरंगेहि सागरो विव गमणागमपरेहिं जहण्णओ कोडिसंखेहिं मुरासुरेहिं विरायमाणो, भत्तिप्पहाववसाओ दिवावि सप्पहेण चंदेण विव नहथिएण आयवत्तेण विराइओ, इंदुणो 'पिह-क्कएहिं किरणसव्यस्स-कोसेहिं पिव गंगातरंग-धवलेहिं चामरेहिं वीइज्जमाणो, नक्खत्तेहि नक्खत्तनाहो विव तवसा दिप्तेहिं लक्खसंखेहिं सोमगुणजुत्त-समणोत्तमेहिं परिवरिओ, पइसिंधु पइसरं पंकयाई आइच्चो विव पइग्गामं पइपुरं भव्यजंतुणो पडिबोहितो वीसोवयारपवरो भयवं उसहसामी कमेण विहरंतो अण्णया अट्ठावयमहागिरि आगच्छेइ / अट्ठावयवण्णणं / अह अहावयपव्वयं वण्णेइ-सरयभवाणं मेहाणं एगहि कप्पियं रासिं पित्र, थिण्णीभूय-खीरसमुद्दवेलाकूडं पिव आहरियं, पहुजम्मणाभिसेयसमए पुरंदरविउन्चियवसहाणं एगं उत्तुंगसिंग वसह पिव संठिअं, नंदीसरमहादीव-वहि-वावी-मज्झटिआणं दहिमुहगिरीणं मज्झाओ एगयम एत्थ आगयं पिच, जंबूदीव-पंकयस्स उद्धरियं नालखंडं पिव, पुढवीए सेय-रयणमइयं उब्भडं मउडं पिव, निम्मलत्तणेण भासुरत्तणेण य निच्चं चेव देवबुंदेहिं जलेहिं हविज्जमाणं पिव, अंसुगेहिं च लुहिजमाणं पिव, निम्मलफलिहोवलतडेसु निसण्णंगणाजणेहिं पवणुच्छलियकमलरेणुणा उवलक्खणिज्जसरिआजलं, सिहरग्ग-भाग-बीसमिय-विज्जाहरललणाणं वेयड्ढ-चुल्ल-हिमवंतगिरि-विम्हारणभवंतरं, सग्ग-भूमीणं आयंसमिव, दिसाणं अणुवमं हासमिव, गह-नक्खत्त-निम्माणस्स. 1 अनाक्लिष्ट / 2 कामसहायजातपापस्य / 3 ऋतुभिः / 5 तालवृन्तानिलेन / 5 पृथक्कृतैः / शरसंभवानाम्। 7 वसनैश्च मृज्यमानम् / 8 विश्रान्त / 9 आदर्शमिव /
Page Navigation
1 ... 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250