Siri Usahanahchariyam

Author(s): Vijaykastursuri, Chandrodayvijay Gani
Publisher: Nemi Vigyan Kastursuri Gyanmandir

Page 115

बाहुबलिणो वंदण? आगमणं / पारणाओ विराइओ। तह रण्णा अरीहिं सह जुज्झमाणो जो सुहडो मुमिणमि दिट्ठो तेण सो सामी मए कारियपारणगसहेज्जाओ परीसहे जिणित्था / तहा सुबु. द्धिसेट्ठिणा आइच्चमंडलाओ किरणसहस्सं चुयं जं च दिटुं, मए तं तत्थच्चिय ठवियं, तओ सो अक्को अहिगं भासियवंतो। एत्थ एसो भगवंतो आइच्चो, किरणसहस्स तु केवलनाणं, भट्ट त अज्ज मए पारणेण जोइयं, तेण एसो सामी दित्तिमंतो संजाओ' एयं सोच्चा ते सव्वे सिज्जंस साहु साहु त्ति भासमाणा पमुइया नियनियठाणं गया। कयपारणगो सामी सिज्जंसमंदिराओ निग्गंतूणं तओ अण्णत्थ विहरेइ, छउमत्थतित्थयरो हि एगत्थ ठाणमि न चिटेज्जा / भगवंतपारणहाणं न को वि अइक्कमेज्ज त्ति चिंतिऊण तत्थ थाणंमि सिज्जंसकुमारो रयणमइअं पीढगं रयावेइ / भत्तिभरनमिरो सिज्जंसकुमारो सक्खं पहुणो पाए इव तं रयणपीढं तिसंझं पि पूएइ / लोगेण किं एयं ति पुट्ठो सोमप्पहतणओ 'इमं आइगरमंडलं' ति तं जणाणं संसेइ। तओ जत्थ जत्थ पहू भिक्खं गिण्हेइ तहि तहिं च लोगो पीढं कुणेइ, तं च कमेण 'आइच्चमंडलं' ति पसिद्धं जायं / उसहप्पहूणो बहलीदेसे गमणं बाहुबलिणो वंदणटुं आगमणं च एगया सामी विहरमाणो कुंजरो निउज पिव बहलीदेसे बाहुबलिणो तक्खसिलापुरीए समीवं समागओ। तीए नयरीए बाहिरुज्जाणे पहू पडिमाए संठिओ / तया उज्जाणपालगो गंतूणं बाहुबलिस्स तं वुत्ततं निवेएइ, अह तक्खणे बाहुबलिनरिंदो पुरारक्खगं आदिसेइनयरमझमि विचित्तं हट्टसेणिसोहाई कुणिज्जउ त्ति / तया नयरंमि पए पए लंबमाण-'महालुंबि-चुंबिय-पहिय-मउलिया कयली-थंभ-तोरणमालाओ सोहंते, भगवंतदसण-समागय-सुराणं विमाणाणि इव पइ-मग्गं रयणभायणभासुरा मंचा ठविया संति, तह नयरी परण-अंदोलिय-उद्दामपडाया-सेणिमिसाओ सहस्सहत्थेहिं नच्चेइ इव, अभिओ नव्वकुकुंमपाणीयच्छंटाहिं सज्जो रइयमंगलिय-अंगरागा इव पुढवी रेहइ / भयवंतदसणुकंठाससिसंगमाओ तयाणिं तं नयरं कुमुयवणखंडुव्व वियसिधे होइ / पभायंमि सामिदंसणाओ अप्पाणं लोग च पवित्तइस्सामि त्ति इच्छंतस्स बाहुबलिस्स सा रयणी मासोवमा संजायइ / जगप्पहू तीए इसि विभायाए रयणीए पडिमं पारित्ताणं पवणो व कत्थइ अण्णत्थ गओ / पभाए पहुदंसणाय निग्गच्छतो बाहुबलिनरिंदो 1 फलगुच्छचुम्बित-पथिकमौलिकाः /