________________
સાધનોનું સૌન્દર્ય
- ૨૮
પ્રમુખ કેનેડીને એક ઝનૂની માનવીએ, પળવારમાં હતો ન હતો કરી દીધો. એ માનવીમાં સુકૃતપૂર્ણ વિદ્યા હોત તો આવું અઘટિત કામ એ કદી કરત? *
આજે સંશોધન અને શોધખોળમાં જગત ઘણું આગળ વધી ગયું છે. પણ માનવી સદવિચારોમાં કેટલો આગળ વધ્યો છે? દસ વર્ષ પૂર્વે એ જ્યાં હતો, ત્યાંથી એ પાછળ છે કે આગળ? માનવીને શું સારા માણસોની જરૂર નથી?
દુનિયાના સંશોધકોએ મહેનત કરી સર્જેલું કાર્ય, એક ગાડો માનવી એક ક્ષણમાં ધૂળભેગું કરી નાખશે. આજે દુનિયામાં સારા માણસને પેદા કરવા કરતાં, તેવા માણસને ખોઈ નાખવા રમતરૂપ બની ગયું છે.
ભણીને અશાંતિ ઊભી કરવી, કલહ ઊભો કરવો એ વિદ્યા નથી. શ્રી ઝીણા બુદ્ધિના ખાં હતા, પણ તેણે હિંદના બે ભાગ કર્યા. આમ, એ જ બુધ્ધિ માનવજાતને અભિશાપરૂપ બની ગઈ, અને એક ભૂમિના સંતાને બે ભાગમાં વહેંચાઇને આજે લડી રહ્યા છે !'
વિદ્યાવાળો આત્મા ન હોય, ગુણવાન હોય. તેને થાય કે મને વિધા મળી તો તેના પ્રકાશ વડે હું મારો રસ્તો પ્રેમ અને કર્તવ્યમય કેમ બનાવું આ પ્રકારના પુંજથી લોકોને અંધકારમાંથી પ્રકાશ તરફ કેમ દોરું? નાનકડું કિરણ બની મારું જીવન ધન્ય કેમ બનાવું? * એ દિવસે સવારના સમાારમાં અમેરિકાના પ્રમુખ જોન કેનેડીની હત્યાના સમાાર આવ્યા હતા.
