Prashnottari

Author(s): Yugbhushanvijay
Publisher: Gitarth Ganga

Page 6

આમુખ
ચરાચર એવા આ વિશ્વમાં નજરે દેખાતી ચિત્ર-વિચિત્ર દશ્યાવલિઓ, સંભળાતી અગમ્ય વાતો, રોજે થતા મનના સુખ-દુ:ખના અનુભવો, ક્ષણે ક્ષણે બદલાતા સંયોગોવિયોગોની ઘટમાળાઓ, ન ધારેલી બનતી અને ધારેલી ઊંધી પડતી ઘટનાઓ.... આવું બધું જોઇને કોઇપણ બુદ્ધિશાળી માનવને પ્રશ્ન થાય જ કે આખરે આ બધું બને છે શી રીતે? અને આ છે શું? આ બધું આપસ્વભાવે બને છે કે તેનો કોઇક almighty સંચાલક છે? કયું વ્યવસ્થાતંત્ર ત્યાં કામ કરતું હશે? આ પ્રશ્નો એવા ગૂઢ છે કે સામાન્ય બુદ્ધિથી કે સામાન્ય જ્ઞાનથી તેના ઉત્તરો મળી શકે તેમ નથી. ઉપર આકાશમાં અને નીચે પેટાળમાં શું શું હશે? ત્યાં કોણ કોણ રહેતું હશે? શું શું કરતું હશે? તે સૌ કેવા હશે? કઇ ભાષા બોલતા હશે? શી રીતે જીવતા હશે? આપણે ત્યાં જવાય કે નહીં? વગેરે અગણિત પ્રશ્નોની હારમાળા આપણા મનમાં ૨મતી હોય છે. પ.પૂ. ગણિવર્ય શ્રી યુગભૂષણવિજયજી મહારાજ સાહેબ જ્યારે વિ. સં. ૨૦૫૧માં ગોવાલિયા ટેંક, મુંબઇમાં ચોમાસાની આરાધના માટે પધારેલ, ત્યારે બુદ્ધિજીવીઓનો મોટો વર્ગ : જેમાં ડોક્ટરોવકીલો-ઉદ્યોગપતિઓ-વેપા૨ીઓ-એન્જીનીયરો વગેરે ઘણા દર રવિવારે આ “પ્રશ્નોત્તરી’ વ્યાખ્યાનમાળા સાંભળવા આવતા, પ્રશ્નો પૂછતા, અને સંતોષકારક ઉત્તરો-ખુલાસાઓ મેળવીને ધન્યતા અનુભવતા. તે વ્યાખ્યાનોને ‘પ્રશ્નોત્તરી’ રૂપે આ પુસ્તકમાં છપાવીને પ્રસિદ્ધ કરતાં ઘણા જિજ્ઞાસુ આત્માઓને પરમાત્માએ કહેલ સત્ય હકીકતો જાણવા મળશે અને તે વડે તેઓ પણ પોતાનું આત્મહિત સાધી શકશે એવી અપેક્ષા છે.
:
મુખપૃષ્ઠ ઉપર સભા છે. ગુરુભગવંત સભામાં પુછાયેલ પ્રશ્નોના શાસ્ત્રાનુસારી જવાબો આપી રહ્યા છે. પ્રશ્નોના વિષયો ઃ સામાન્યતઃ ચૌદરાજલોકમાં બનતી ઘટનાઓ, દેખાતાં દૃશ્યો, સંભળાતી વાતો, સૌને થતા ભિન્ન-ભિન્ન સંયોગો-વિયોગો વગેરેના અનુભવો અંગેના હોય છે. તેથી ચૌદાજલોક નજર સમક્ષ મૂક્યો છે. મનમાં ઘોળાતા ઘણા અનુત્તર પ્રશ્નોના ઉકેલ આ પુસ્તક આપી શકશે અને વાચક જરૂરથી જિનશાસનનો તાત્ત્વિક સાચો શ્રદ્ધાળુ બની શકશે, એ જ અભિલાષા.