Navpad Prakaranam

Author(s): Jinendrasuri,
Publisher: Harshpushpamrut Jain Granthmala

Page 278

KOS
नवपदवृत्तिःमू.देव. वृ. यशो ॥२५५॥
पहाणरूवलावण्णसोहग्गाइगुणसमुदयधारिणी धारिणी नाम तस्स महादेवी, तत्थेव य वेसमणोव्व धणेणं तरणिव्व सरीरदित्तयाए चंदोव्व सोमत्तेणं जलहिव्व गंभीरभावेण सेलेसोव्व थिरत्तगुणेण माणणिज्जो जणस्स अपरिभवणिज्जो खलवग्गस्स अच्चणिज्जो ललियलावण्णाइगुणालंकियलीलावईनयणनीलुप्पलाणं अपरिमियचायभोयविलासप्पमुहगुणजणियसयलजणाणंदो आणंदो नाम गाहावई परिवसइ,-तस्स य हिरण्णकोडी चत्तारि कलंतरंमि वटुंति । चत्तारि निहाणगया, चत्तारि पवित्थरपउत्ता ॥१।। चत्तारी य गोवग्गा वग्गे वग्गे य दसदससहस्सा । सो चेव पुच्छणिज्जो जणस्स कज्जेसु बहुएसु ।।२।। सो चेव मेढिभूओ पमाणभूओ य तुंबभूओ य । निययकुडुंबस्सवि सयलकज्जवट्टावओ तह य ।।३।। अविय सहावेण चेव जो-करुणापहाणहियओ, पुव्वाभासी पियंवओ दक्खो । गुरुदेवपूयणरओ परोवयारी रुइररूवो ॥४।। तस्स य रंभव्व सुराहिवस्स गोरिव्व तिउरदहणस्स । नामेण सिवाणंदा, आसि पियाऽणुवमलायण्णा ।।५।। निम्मलसीलाहरणा असरिसरूवा गुणगणोवेया । सद्धम्मकम्मनिम्मलजलोहनिद्धोयपावमला ।।६।। तीए सह पंचप्पयारं मणुयलोयसार तस्स विसयसुहमणुहवंतस्स अइक्कंतो कोइ कालो । इओ य तस्सेव नयरस्स उत्तरपुरस्थिमे दिसीभाए अस्थि दूइपलासं नाम चेइयं, | तत्थऽण्णया सुरासुरसिद्धगंधव्वजक्खाइदेवनिकायनायगेहिं थुव्वमाणो पसरियपहाणसुक्कज्झाणहव्ववाहनिद्दड्डपायकम्मसमुब्भूयकेवलण्णाणो सुरकयकणयमयनवनवसंखकमलविणिवेसियपायपंकेरूहो वियासयंतो विविहजणवएसु भवियलोयपउमसंडे समागओ महावीरतित्थयरो, आणंदिया तन्नयरनिवासिणो लोया, समागया जिणचलणंतियं, एत्थंतरंमि वद्धाविओ तन्निउत्तचरपुरिसेहिं जियसत्तू राया, सो य तक्खणंमि चेव समुट्ठिऊणासणाओ गरुयभत्तिजायदेहबहलपुलउब्भेओ सहामज्झ एव सत्तट्ठपयाइं अणुसरिऊण जिणाभिमुहो नमो नमो भगवओ महावीरसामिपायाणंति भणंतो धरणिनमियजाणुक्तिमगो पणमिऊण भयवंतं पुणो ठाऊण सयंमि सीहासणे दाविऊण वद्धावयपुरिसस्स दीणाराणं अद्धतेरस लक्खे काराविऊण नियपुराओ आरब्भ जाव दूइपलासचेइयं मयरंदगंधलुद्धालिमालामणोहरिझङ्कारबहिरियदिसाविवरं कुसुमोवयारं निम्माविऊण उद्धपसरंतरयणकिरणावलीभासुराओ तुंगतोरणमालाओ धराविऊण मणिकणयकलहोयमयाई विविहमंगलकलसे विरयाविऊण ठाणठाणेसु पवणपहोलंतरत्तासोयाइपल्लवचंदणमालाओ चलिओ वंदणत्थं भयवओ सयलसामंताइबलसमनिओ संतेउरपुरपरियणो, पत्तो समोसरणभूमि, जीए गयणयलविमलफलिहसिलासंचयरइयमाजोयणपरिमंडलं विरायए पउमरायमणिमंडियं कोट्टिमुच्छंगं, अविय-विउणियदिणयरकिरणाई जत्थ रइयाइं देवनिवहेण । रेहति रयणकंचणरुप्पयपायारवलयाइं ॥१॥ चंचरियकलयलारवमुहलो | भवियाण दूरसरियाणं । हक्कारणुज्जुओ इव सुररइओ जत्थ कंकेल्ली ।।२।। रइयं च तस्स मूले सोहइ करजालबद्धपरिवेसं । जत्थ
॥२५५॥
Jain Educa
t ional
wwURJorary.org