Navpad Prakaranam

Author(s): Jinendrasuri,
Publisher: Harshpushpamrut Jain Granthmala

Page 326

kx
नवपदवृत्तिःमू.देव. वृ. यशो ॥३०३।।
| निराउला भोए ।।१५।। एवं विचिंतिऊणं, कयाइ छण्हं विसप्पओगेणं । कारावई विणासं, छण्हं सत्थप्पओगेणं ।।१६।। एवं हयासु सव्वासु तासु सा नियसमीहियं काउं । उवभुंजइ वरभोए सह महसयगेण निस्संका ।।१७।। अण्णमि दिणे रण्णा रायगिहे पुरवरे कहिचि महे । घोसाविया अमारी तत्थ य सा रेवई पावा ।।१८।। मज्ज मंसं च विणा मुहुत्तमवि चिट्ठिउं अपारंती । नियगोउलिए सद्दाविऊण अह भणइ एगंते ।।१९।। भो ! कोऽवि जह न याणइ मंसं तह दोण्ह तरुणवच्छाणं । संपाडह मह निच्चं मज्झ च्चिय गोउलेहितो ॥२०॥ किज्जते तेहि तहेव तीए वयणंमि सा तओ पभिई । KE कल्होडयमंसे च्चिय जाया अच्चंतगिद्धिपरा ।।२१।। महसयगो उण चोद्दसवरिसे सामण्णओ निरइयारं । परिवालिऊण सावगधम्मं पण्णरसमे वरिसे ।।२२।। गिहसामियं ठवित्ता जेठं पुतं तओ निरारंभो । पोसहसालाएँ ठिओ सावगपडिमासु उज्जमिउं ।।२३।। एत्थंतरंमि सा रेवई य मइरामएण घुम्मंता । मयणाइत्ता पभणइ पोसहसालाएँ आगंतुं ।।२४।। भो सयगसावया ! तं धम्मत्थी कि किलिस्ससी एवं? । धम्मस्सवि जेण फलं भोगा ते तुज्झ सायत्ता ।।२५।। ता भुंजसु सेच्छाए अणुरत्ताए तुमं मए सद्धि । एए मा परिवज्जसु हत्थगएऽणागयासाए ॥२६।। एवं भणमाणीयवि तीए अविमन्निऊण सो वयणं । छब्बरिसे जाव दढं, फासिय पडिमाउ सव्वाओ ।।२७।। अट्ठितयमेत्तदेहो पडिवन्नो अणसणं निरासंसो । सुहपरिणामवसेणं उप्पाडइ ओहिनाणं च ।।२८।। तेण य पेच्छइ सयलं भरहं तस्संगयं च लवणस्स । जोयणसहस्समेगं उवरिं पुण जाव सोहम्मं ।।२९।। हेट्ठा उण रयणप्पहपुढवीए पढमपत्थडं जाव । एयंमि अवसरंमी मत्ता सा पुणवि आगंतुं ॥३०।। खोभेउं आढत्ता महसयगं रुट्ठमाणसो सो य । ओहिण्णाणुवउत्तो भणइ इमं निट्टरगिराहिं ।।३१।। हे रेवइगे ! पावे निच्चमुवद्दवसि जं ममं एवं । तेण तुमं दुस्सीले ! मज्झे सत्तण्ह दिवसाणं ॥३२।। उवहयगुरुचेयण्णा महया रोगेण सन्निवाएणं । मरिउं रयणपहाए पुढवीए लोलुए नरए ।।३३।। होहिसि नेरइयत्तेण तंऽसि सुणिऊण सावमेयं सा । ओसरियमया सहसा भएण सणिअं अवक्कंता ॥३४।। नियगेहमणुप्पत्ता, सत्तमदियहे तहेव मरिऊणं । उप्पण्णा चउरासीवाससहस्साउया नरए ॥३५।। एत्तो य तत्थ नयरे गुणसिलए चेइए समोसरिओ। सिरिवद्धमाणसामी तित्थयरो समणगणसहिओ ॥३६॥ धम्मकहाअवसाणे गोयरचरियाएँ गोयमं चलियं । आइसइ जिणो गोयम ! पोसहसालाएँ गंतूणं ।।३७|| चोएसु महासयगं मह वयणेणं जहा न ते जुत्तं । सावप्पयाणमेवं काउं जह रेवईएँ कयं ।।३८।। जम्हा निट्ठरभासा विवज्जिया सव्वया सुसड्डाणं । किं पुण चरिमाराहणकरणंमि समुज्जयमईणं ! ॥३९।। आलोइऊण ता दुक्कडं इमं भावओ पडिक्कमसु । सुज्झसि 18॥३०॥ जेण महायस ! सुद्धो सुगई लहुं लहसि ।।४०।। तत्तो तहत्ति पडिवज्जिऊण गंतूण गोयमो तत्थ । साहइ से सव्वंपिहु सो तं सुणिऊण आउट्टो ।।४।।
K
Jain Educatics Imabonal
For Personal Private Use Only
www.
brary.org