Navpad Prakaranam

Author(s): Jinendrasuri,
Publisher: Harshpushpamrut Jain Granthmala

Page 276

नवपदवृत्ति:मू.देव. वृ. यशो ॥२५३॥
गुरुयउव्वेयभायणं चक्कमिहुणाई ॥४॥ एक्कं मुणालनालं गहियं चंचूहि चक्कमिहणेणं । तच्छिद्दण्णोण्णाहियपवेसणत्थं च विरहभया ।।५।। नासियनीसेसतमो विइण्णसोहोवि सयलभुवणस्स । सूरोवि जाइ अत्थं अवरेसुं का थिरत्ता सा ? ॥६।। अह विज्जुपुंजसच्छहनियतेयारुणियअवरजलहिजलो । मयणंगणंमि बहलो संझाराओ समुच्छलिओ ॥७|| मलिणे उव्वेयणए जणस्स तिमिरंमि समुहमितंमि । कह थिरराओ कीरउ संझाए रुइररूवाए ? ।।८।। संझासहीविओए दिसाण वयणाइ निम्मलाइंपि । सोएणव सामाई कयाइं अइबहलतिमिरेण ।।९।। नीलपडेणव सयलं समोत्थयं महियलंपि संजायं । संतमसपूरपूरियमवहियनिन्नन्नयविभागं ।।१०।। पसरंतबहलगंधाणुसारओ लेति सुरहिकुसुमेसु । घणतिमिरच्छाइयलोयणावि चंचरियसंघाया ।।११।। खणमेत्तेण य चंदो वम्महरज्जभिसेयकलसो ब्व । उवठविओ पुव्वदिसावहूएँ जोण्हाजलाउण्णो ॥१२॥ तह निम्मलावि किरणा ससिस्स विरहढुयाण तरुणीणं न सुहाइ अहव सव्वस्स सुहयरो न खलु सव्वोऽवि ।।१३।। एवं च निब्भरे कामियणमणहरे पयट्टे पओससमये सो संखसावओ निव्वत्तियदेववंदणाइआवस्सयकिच्चो काऊण जामिणीजामदुगं जाव सज्झायं सुदक्खुजागरियं जागरमाणो इमं चिंतिउं पयत्तो-जाए पभायसमए जाव न गंतूण वंदिओ वीरो। ताव न पोसहमेयं पारेउं कप्पए मज्झ ।।१।। इत्थं च पसत्थझाणोवगयस्स कमेण वोलीणा रयणी, परिगलियतारतारयनियरकुसुमसमिद्धिस्स तुंगगयणंगणतरुस्स परिपक्कफलं पिव पच्छिमदिसादीहसाहाए लंबिउं पवित्तं ससिमंडलं, समुल्लसिया पुव्वदिसाए अरुणच्छाया, तरणिकिरणसंफासवियसमाणकमलमउलमालामयरंदबिंदुसंदोहावहाराणुसारलग्गचंचरीयकुडियभीउव्वमंदमंदसंचारी रयणिसमयसमालग्गगाढसुरयसंगामसमकिलंतकामिणीसेयसलिलावहारी पसरिओ सिसिरपहाओ य मारुओ, एयंमि अंतरे विहियपाहाउयसंझावस्सओ निग्गंतूण पोसहसालाओ जहा महामुणी तहा पंचसमियाइउवउत्तो गओ भगवओ महावीरस्स वंदणत्थं कोट्टयचेइयं संखसावओ, दिट्ठो तिलोयबंधु पमोयभरनिब्भरयाए पयट्टजलवाहवूरिज्जमाणलोयणेण पप्फुल्लवयणकमलेण य तिपयाहिणापुव्वं वंदिओ भावसारं, थोउं च पवत्तो, अविय-जय सयलभुवणबंधव ! जय करुणामयरसोहसरिणाह ! । जय सिद्धत्थनराहिवतिसलादेवीण कयहरिस ? ॥१॥ जय जम्मण्हवणचालियसुरगिरिकयगरुयहरिचमक्कार ! । जय K8 बालकालमुट्टिप्पहारअवहरियसुरदप्प? ।।२।। जय सुरवरपुच्छियसहसत्थवित्थारकहियपरमत्थ ! । जय चत्तसयलसंसारसंग ! संगहियपव्वज्ज? ।।३।। जय कुवियसुराहिवमुक्कवज्जसंगभीयचमरकयरक्ख ? । जय जियसंगमयामर ! जय जय उप्पण्णवरनाण ? ॥४॥ इह जम्मणमरणपरंपराण ॥२५३॥ नरतिरियनारयसुरेसु । निविण्णो जय वच्छल ! नेसु मर्म सिवपुरि वीर ! ।।५।। ततो पणमिऊण सेसएवि गोयमाइमुणिवरे उवविठ्ठो उचियमहीवडे, KSA