Jindattakhyana Dwaya

Author(s): Sumtisuri, Amrutlal Bhojak
Publisher: Singhi Jain Shastra Shiksha Pith Mumbai

Page 33

जिनदत्तपूर्वभवकथावर्णना। [३६-३८] पाणाइगं देइ । अम्हं पुण पुन्नरहियाणं न तवो न दाणं । ता तुमं पि तस्स पइदिणवंदणेणावि ताव अत्ताणं कयत्थीकरेजसुत्ति । तओ सिवदेवो वि विसिट्ठयरभत्तिसंजुओ पइदिणं वच्छरुयाणं तयभिमुहो गंतूण तं वंदइ पजुवासेइ । चिंतइ यसुंदरं होइ जइ एस म[म] गिहे पारणगं करेइ । अहवा कुओ मायंगस्स नरवइअद्धासणं ति । अण्णं च
पत्ते पियपाहुणए, किं काही दुग्गओ दुरंतो वि ।
अंधो मलिएहि वि लोयणेहि अंधो चिय वराओ ॥ ३५ ॥ सबहा नत्थि मे भागधेयाणि त्ति चिंतयंतस्स समागया माहपुन्निमा । तम्मि य दिणे भामेइ लोगो पहेणयाई । आगओ सिवदेवो भोयणसमए गिहं । ताव य सोवासिणि ति काउं समागयाइं जसमईए वि पहेणयाई । उवविट्ठो भुंजिउं सिवदेवो । एत्थंतरम्मि सिवदेवसद्धासमुप्पन्नपुन्नचोइओ व गोयरचरियाकमेण समागओ रिसी सिवदेवभवणंगणं । तं च दट्टण रहसवसुच्छलंतरोमकूवेण चिंतियं सिवदेवेण
एयाई ताई चिरचिंतियाई तिन्नि वि कमेण पत्ताई।
साहूण य आगमणं, संतं (भत्तं ?) च मणप्पसाओ य ॥ ३६॥ सबहा पुन्नवंतो हं । एयलाभसंभवे णत्थि येव झीणा मे रिद्धि ति भावयंतेण समू(म्मु)हं गंतूण वंदिओ रिसी । तओ गहिऊण कूरस्स मल्लयं दिनमद्धं । 'मा जणणी अंबाडिस्सइत्ति संकाए न दिण्णं सर्व । पुणो गहियं पायसमल्लयं तस्स वि तहेव दिन्नमद्धं । पुणो दिना खंडसकरगब्भा दुवे मंडया । एत्थंतरे समागया सवरससंपत्ता (पुन्ना ?) थाली । ताव भणिओ जणणीए- 'वच्छ एवं पि देहि महाणुभावस्स महरिसिणो ।' तओ पवड्डमाणसुहज्झवसाएण ढोइया रिसिणो । तेणावि सद्धाविद्धिं दगुण गहियं कवलमत्तं । भणियं च - 'धम्मसील ! पञ्जत्तमियाणि मा निबंधं कुणसु त्ति ।' तओ भत्ति-बहुमाणपुत्वं पहट्टमुहपंकएणं कयकिच्चमप्पाणं मन्नमाणेण सिवदेवेण कयवंदणाणुवयणो निग्गओ साहू । एत्थंतरे अहिणंदिओ सिवदेवो पहेणयहत्थाहिं चउहि कन्नगाहि- 'वयंस ! धन्नो तुमं जेणेरिसे सुपत्ते वियरियति । अवि य
दिण्णं तस्स गणिजइ, अपहुप्पंतो वि धणसमिद्धीए । जो देइ इट्टमिटुं, चिरपत्तं भत्तिसंजुत्तो ॥३७॥ दाणोवभोगपरिवजिएण दवेण किं व किवणस्स ।
लद्धेण वि नत्थि गुणो, पक्ककविद्वेण कायस्स ॥ ३८॥ . १ कृतवन्दना-ऽनुवजनः । २ काकस्य ।
-