Book Title: Jindattakhyana Dwaya Author(s): Sumtisuri, Amrutlal Bhojak Publisher: Singhi Jain Shastra Shiksha Pith MumbaiPage 34
________________ [३९-४९] जिनदत्ताख्यानम् । तहा-जे पूइंति कयत्था, साहुजणं नियविढत्तदवेण । ताण सुलद्धो जम्मो, सफला ताणं च धणरिद्धी ॥ ३९॥ देविंद-चक्कि केसव-हलहर-मंडलियपमुहरिद्धीओ। जे वियरंति सुपत्ते, तेसिं करपल्लवत्थाओ ॥ ४०॥ एवमुववृहिऊण गयाओ कण्णयाओ । इयरो वि तुट्ठचित्तो पभुत्तो भोयणं । तप्पभिई च सुहजीवियाए जीविऊण आउक्खए मओ समाणो कत्थ उववन्नोति। -जिनदत्तजन्मकथावर्णनाअस्थि सरसपंडुच्छुवाडपउरपुहइवीढे मज्झदेसे धवलमंदिरसुंदरं पि कसिणायारं असुरसासणवजियं पि देवरायसंगयं वसंतपुरं नाम नयरं । जत्थ य सप्पागारे, सप्पागारेहिं वजिया भवणा । मत्तकरिरायवयणा, वयणामयसंदिणो मणुया ॥४१॥ तत्थ य नयरे निवसइ, सेट्ठी नामेण जीवदेवो त्ति । विण्णाण-नाण-धण-रिद्धि-लद्धकित्ती महासत्तो ॥ ४२ ॥ निम्मलसम्मत्तधरो, जीवाइपयत्थसत्थविनाया। जिणइंद-साहु-साहुणिवंदणपूयासमुजुत्तो ॥ ४३ ॥ समरूव-धम्मसीला, जीवजसा नाम भारिया तस्स । उववन्नो कयपुन्नो, तीसे गब्भम्मि सिवदेवो ॥४४॥ तओ सा अब्भाहरइ न उण्हं, न य सीयं छुह-तिसा बि नो सहइ । चंकमइ नेव हुलियं गब्भायासाउ बीहंती ॥ ४५ ॥ एवं सुहं सुहेणं, नवण्ह मासाण साइरेगाणं । संपुनलक्खणधरो, जाओ तणओ जणाणंदो ॥ ४६॥ ताव य पत्ता वियसियवत्ता, अक्खयहत्था सुंदरिसत्था । वजइ तूरं नच्चणिसारं, दिजइ दाणं सबजणाणं ॥ ४७ ॥ तओ वि तुट्ठया सजणा, दुम्मिया दुजणा। तित्तपुरमग्गणं, वित्तयं वद्धणं ॥ ४८॥ वद्धावणयविरामे, जिणवरभवणेसु अट्ठ दिवसाई । महिमा महामहंती, पयट्टिया जीवदेवेण ॥ ४९ ॥ . १ करनाचारम् । २ शीघ्रम् । - Jain Education International For Private & Personal Use Only www.jainelibrary.orgPage Navigation
1 ... 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122
