Jindattakhyana Dwaya

Author(s): Sumtisuri, Amrutlal Bhojak
Publisher: Singhi Jain Shastra Shiksha Pith Mumbai

Page 91

जिनदत्तस्य अङ्गारवत्याः पाणिग्रहणम्। [१४६-१४९] इयरेहिं चिंतियं-अहो महाणुभावया एयस्स । भणियं च-'मा अम्हाणं उवरि को करेह, एयं परिक्खणत्थमेव कयं तुम्ह। अम्हेहिं ! प० १८.१] गवेसयंतेहिं तुमं दिट्ठो, न य तुम्हमंतरेण पुरिसरयणं अस्थि अण्णं, ता कुण पसायं, देह आएसं जेण उत्तारिमो।' कुमारेण भणियं - 'अहं उत्तरामि सयमेव ।
. अण्णो कह पत्थिजइ हियए माणं समुबहतेणं ।
सुरए वि पियामुहचुंबणस्स अब्भत्थणा हलुई॥ १४६ तहा वि जइ निबन्धो ता एह ।' तओ उत्तारिओ तेहिं । नीओ महुरजलासन, कयं अंगपक्खालणं, अप्पियाणि दिववत्थाणि, नीओ असोगसिरिसगासं । विम्हिओ रूयाइसयदंसणेणं चकवट्टी, हरिसिओ हियएणं, पुजिया विजाहरा । सा वि अंगारमई तं पेच्छिऊण लद्धावसरेण गलेण गहिया मयणेणं, आढत्ता मयणवियारे काउंति । अवि य
न जलंति न धगधगंति न सिमिसिमंतिन मुयंति धूमवट्टीओ। अंगाई माइ पियविरहियं इन्हि हुयाइ डझ(झं)ति ॥ १४७ नीसाससरसदोवल्लिमाए नच्चइ नडो व हयलोओ।
विरहे मरणेण विणा सणेहरेहा न निविडई ॥ १४८ तओ आणंदेण दिण्णा तस्स । परिणीया य तेणं । आगासगामिणीए विजाए आगच्छति(अच्छंति ?) य विसयसुहमणुहवंताई । अइसंधिया विजाहरा परक्कमकलाहि । दिण्णाओ विजाओ असोगसिरेण(रिणा?) । दसिउं यंउथुउवास (१) गरुयत्तणं जिणयत्तेणें । कुणइ य धम्मकहा। अंगा [प० १८.२ ] रमइ(ई)ए नियडिवजए दवउ, तग्गोहंसए(?) सासयाइं जिणाययणाई । ताव भणियं कुमारेणं- 'सुयणु! बुद्धो अम्हाण कुल परंपरागओ देवो, तहा वि तुज्झ नेहेणं पडिवन्नो मए एस, गहिओ धम्मो ।' तओ जाओ विसेसओ तीए तस्स उवरि पडिबंधो । अण्णया समुद्दवेइयाभिमुहं गच्छंतेणं दिहाओ नियभारियाओ। 'एगत्थ मिलियाओ' ति गहिओ हरिसेणं । उ(न ?) संभासियाओ तेणं । चिंतियं च जिणयत्तेणं
सो मित्तो सो सयणो सो चिय परमत्थवन्धवो होइ। .
जो जिणवराण आणा धरेइ माल व सीसेणं ॥ १४९ तओ भणिया अंगारमई- 'भद्दे ! वच्चामो सायर' ति । तओ चलियाई पुप्फविमाणरूढाई वसंतपुराहिमुहं ति । वट्टए मज्झरत्तं । पत्ताई चंपं । तओ भणियं जिणयत्तेणं- 'एत्थ अवयरिय सुयामो थेवलं ।' तीए भणियं- 'एवं' १ 'परककमलाहि' इति प्रतौ ।