Jindattakhyana Dwaya

Author(s): Sumtisuri, Amrutlal Bhojak
Publisher: Singhi Jain Shastra Shiksha Pith Mumbai

Page 37

जिनदत्तपरिणयनकथा । [६२-६९) स्वस्त सहस्संसो वि सच्चविउं पारिओ ति । तओ सेट्टिणा परितुडेण भणियं'किं अणुरूवो तीए मम नंदणो' इयरेण भणियं - 'अवस्साणुरूवो, लच्छि.. नंदणो रईए। किंतु निसुयं मए जहा सा परिणेउं नेच्छई'त्ति । तओ तस्स कि पि पारिओसियं दाऊण समागओ सभवणं जीवदेवो । चिंतिय(उ) च पयसोसा मग्गिया ताव नियमेण लब्भइ. परं न याणिमो कहं परिणयमिच्छ(च्छि)स्सइ? ति । अहवा मंचयस्स एगम्मि पासे वुए बीओ वुओ चेव । ता पेसेमि तीए कुमारपडिच्छंदयं ति । 'हत्थढियं कजति तुट्टेण कहिओ वुत्तो जीवजसाए । आणदिया एसा । तओ लिहिऊण जिणदत्तपडिच्छंदयं तं चेव लेहं च समप्पिऊण पेसिया वरगा. पत्ता य चंपाउरिं. तत्थ वि विमलसेडिमंदिरं । दंसिओ लेहो विमलस्स । पुणोऽवहारियलेहस्स समप्पिओ पडिच्छंदओ । तओ तमणिमिसाए दिट्ठीए सुइरं पुलइऊण चिंतियं विमलेण-अहो रूवाइसओ कुमारस्स. परं न याणिमो बालियाचित्तं ति । अवि य
जइ एरिसरूवं पि हु, न इच्छए मज्झ नंदणी मुद्धा । ता नूण वीयरागा, अहवा वि अयाणुया एसा ॥ ६२॥ एत्थंतरम्मि दिट्ठी, विमलमईए वि तम्मि संपत्ता । जाया य तक्षणेणं, तओ वि सा केरिसा सुणसु ॥ ६३ ॥ उप्फुल्लनयणजुयला, एगग्गा तं पलोयए रूवं । ..
आलत्ताऽऽलिजणेणं, सुन्नं हुंकारमुच्चरइ ॥ ६४॥ अवि य
तइंसणाउलं तं, द8 ईसालुउ व सहस त्ति । धम्मेल्लमल्लनियरो, ऊसरिउं नवरमारद्धो ॥ ६५ ॥ दहणमन्नचित्तं, वालं वाहो व वम्महो तीए । नाइ सरेहि तोडेइ कंचुयं तडयडरवेण ॥ ६६ ॥ अम्हाण नूणमेसो, पीडं काउं समुजओ को वि । इय कुविया इव सहसा, थणया कढिणत्तणं पत्ता ॥ ६७ ॥ वेल्लहलंगी बाला, डज्झउ मयणानलेण मा वरई ।
इय चिंतिउं व अंगेसु पसरिओ सेयजलनिवहो ॥ ६८॥ तं च तारिसं दट्टण पढियमेगाए वयंसियाए
पेच्छेइ अद्धलक्खं, दीहं नीससइ सुन्नयं हसइ ।
जह जंपइ अफुडत्थं, तह हियए संठियं किं पि॥ ६९ ॥ अवधारितलेखस्य । २ कामपक्षे बालाम्, व्याधपक्षे मालम् । ३ वराकी ।
महा ताए।