Book Title: Jindattakhyana Dwaya Author(s): Sumtisuri, Amrutlal Bhojak Publisher: Singhi Jain Shastra Shiksha Pith MumbaiPage 48
________________ [१५४-१६५] जिनदत्ताख्यानम् । सयासाओ इह भयं ? सा भणइ - 'न याणामि केवलं सुत्तविउद्धा पासवत्तिणं विगयजीयं पेच्छामि ।' जिणयत्तो वि 'अहो. सोमसहावा एस' ति चिंतिऊण 'सुंदरि ! तुमं एगागिणिं पमोत्तूण न मे जीवरक्खाए पओयणं' ति भणमाणो निविडो तयासन्नपल्लंके । जाव तचिंताए सा निदं न पावइ ताहे णेण पारद्धं कहाणय। जिनदत्तकथिता विजयकुमारकथा ।सुंदरि ! अवन्तिदेसे, उजेणी नाम पुरवरी रम्मा । दरियारिदप्पदलणो, जयतुंगो तत्थ वरराया ॥ १५४ ॥ चंदवई से भजा, विक्कम-अहिमाण-चायगुणनिलओ। परकजसाहणरई, विजओ ताणं च वरपुत्तो ॥१५५ ॥ सो अण्णया कयाई, केणावि नरेण पंजलिउडेण । अब्भत्थिओ किर म्हं, कुण साहेजं वरकुमार! ॥ १५६ ॥ अन्ज कसिणहमीए, रत्तिं इच्छामि साहिउं मंतं । अमेण सहाएणं, न तीरए साहिउं सो उ॥ १५७ ॥ अवि य दो पुरिसे धरउ धरा, अहवा दोहिं पि धारिया एसा । उबयारे जस्स मई, उपयरियं जो न पम्हुसइ ॥ १५८ ॥ एवं ति तओ मणियं, संझाए खग्गपोरुससहाओ। पत्तो ते[हिटुं, मसाणभूमि विजयकुमरो ॥ १५९ ॥ जत्थ पिसाया दीसंति मीसणा मंसकत्तिया हत्था । भीमट्टहासदुप्पेच्छमुत्तिणो रक्खसा तह य ॥१६०॥ फेकंति सिवा सत्था, डाइणिओ किलिकिलिंति सहयो। कीलंति कवालकरा, भूयसमूहा जहिं विविहा ॥ १६१ ॥ अह साहगेण तुरियं, मंडलयं पूइयं अइविसालं । काऊण बलिविहाणं, उवविट्ठो तस्स मज्झम्मि ॥१६२॥ भणिओ विजयकुमारो, अपमत्तेणं तु रक्खियको है। उहिस्सति सुमीमा, विभीसियाओ धुवं एत्थ ॥ १६३ ॥ वा खम्गवग्गपाणी, चिट्टइ एगग्गमाणसो कुमरो। इयरो वि मंडलत्थो, पारद्धो साहिउं मंतं ॥१६४ ॥ अनो वि गयणचारी, कुमरं अह भणइ पायसंलग्गो। किर अन्भत्थियसारो, सरणागयवच्छलो तं सि ॥ १६५ ॥ Jain Education International For Private & Personal Use Only www.jainelibrary.orgPage Navigation
1 ... 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122
