Jindattakhyana Dwaya

Author(s): Sumtisuri, Amrutlal Bhojak
Publisher: Singhi Jain Shastra Shiksha Pith Mumbai

Page 47

१८ जिनदत्तकृता सिंहलदेशीयराजकुमारीजीवितरक्षावर्णना । [ १५० - १५३ ]
चि भणिऊण पुणो वि परुना । भणिया जिणयत्तेण 'अम्मो ! मा अद्धिहं करेहि अहं तव पुत्तं रक्खिस्सामि ।' चितियं च -
सयलम्म विं एत्थ जए, ते पुरिसा जे परं न पत्थंति । जे य पहुमेत्तकजे, तणं व मन्नंति नियजीयं ॥ १५० ॥ हुति परकअनिरया, नियकअपरम्मुहा धुवं सुषणा । चंदो धवलेह महीं, न कलंकं अत्तणो फुसइ ॥ १५१ ॥ तणलग्गविसमसंठियपवणाहयनीरबिंदुसरिसेण ।
जीएण जइ विढप्पड़, थिरो जसो किं न पखतं ॥ १५२ ॥
-
तीए बुत्तं - 'तुमं पि पुत्तो चैव त्ति निविसेसं दुक्खं ।' 'कित्तियं ममेयं' ति चिंतेण धीरविया णेण । तओ संज्ञासमए कयमज्जणविलेवणो तंबोलवीडय - चंदहासभूसिय करो केसरिकिसोरड व भयविवजिओ, सलीलाए गईए दूर्मिको गपुरसुंदरीहिययाई, विसायमउलियनयणेण पलोइजमाणो नायरगणैण, रायसहासमासन्नवत्तिणीए [ रच्छाए ? ] पत्थिओ कुमरीमंदिराभिमुहों जिणयत्तो । दिट्ठो राइणा. पुच्छियं च - ' को एस ? किं निमित्तं वच्चइ ?" ति । कहियं परियणेण - 'कुमारीभुवणवासुओ' त्ति । तओ तस्स रूवाइसयं दण विसनो राया भणिउं पवत्तो- 'धिरत्थु पावपरिणईए मे, धिरत्थु कण्णगाए जत्थेरिसा महाणुभावा खयं वच्चति । एत्यंतरे छीयं वामपासट्ठिएण केणावि । तओ साउणिएण पढियं -
पडिसेहमत्तं वा, बुड्डी हाणी खयं असिद्धिं च । आरोगमत्थलाभं, छीयम्मि यदाहिणदिसासु ॥ १५३ ॥
तओ 'महाणुभावो कोवि एस नियपुन पहावेण चैव रक्खिजिहि' त्ति मंणम्मि समासत्थो राया । जिणयत्तो वि पविट्ठो कुमारिभवणं । 'कत्तो किर भयं १' ति गवेसिऊण हेट्ठभूमीं, आरूढो बीयभूमियाए । दिट्ठा उयरवाहिपीडिया रायकन्ना, पलोइया विसत्थचित्तेण । संभासिया महुरवाणीए । पुच्छिया- 'सुंदरि ! किं ते बाहर ?' त्ति । तीए वि उयरं दंसिऊण चिंतियं 'अहो रूवं, अहो निब्भयत्तं, अहो विसत्थया, अहो महाणुभावया एयस्स. अहो एरिसरूयाण विणासिगाए अकल्लाणभायणत्तं मम त्ति सबहा होउ किं पि, निवारेमि एयं' ति संपहारिऊण भणियं - 'भो महाभाग ! कयं तुमे रायसासणं, ता अंधयारीभूए मम जग्गमाणीए चैव नियजीयरक्खणत्थं पासा - याओ नाइदूरे गंतूण सुविज्जसु' ति । इयरेण भणियं - ' सुंदरि ! कस्स पुण व मणयस्मि मतो |