Jindattakhyana Dwaya

Author(s): Sumtisuri, Amrutlal Bhojak
Publisher: Singhi Jain Shastra Shiksha Pith Mumbai

Page 64

(३०६-३१२] जिनदत्ताख्यानम् । एवं विडंबणं'ति । पडिवनमियरेण । तओ हकारियाओ भारियाओ । भणियाओ राहणा-"एस वामणगो एवं भणइ एयाओ मम भारियाओ हवंति" तं किं सच्चमेयं?ताहि भणियं - 'भत्ता संपुण्णसरीरो आसि, न एरिसो' त्ति । तओ तेण ईसि हसिऊण उवसंहरियं वामणत्तं । पञ्चभिन्नाओ अंगारवइ-सिरिमईहिं । तह वि पच्चयनिमित्तं अंगारवइसहिएण गंतूण आणिओ णेण असोगसिरी पुहइसेहरो य । पुणो सब्वेसि पुरओ नीणिया वण्णपरावत्तिणी गुलिया । तओ पञ्चभनाओ सपरियणाए विमलमईए । भणियं च
निहरहियओ अच्चंतनिग्धिणो वयणमेत्तनेहिल्लो ।
बहुकूडकवडभरिओ, एसो सो पिययमो मज्झ ॥ ३०६ ॥ इम पेच्छमाणो विम्हिओ सबलोगो । एत्यंतरे चंपाहिवेण दिण्णा रइसुन्दरी नियधूया । कयं विच्छड्डेण पाणिग्गहणं । ठाविओ अद्धरजे । पाउन्भूओ चंपाउरीए महाणंदो त्ति । तओ पुहइसेहरं सट्ठाणे पराणिऊण चउहि भारियाहि सहिओ सुहेण अच्छिउं पयत्तो जिणयत्तो त्ति ।
-~~ जिनदत्तस्य स्वस्थानं प्रति गमनम् ।अण्णया य पेसिया छप्पन्नदविणकोडीसहिया बद्धावगा जणणि-जणयाणं । आगएहि.य सिहं तेहिं जहा- तुज्झ विओए असरीराइं ताई दुहं चिट्ठति । तओ रायाणमणुनविय पत्थिओ वसंतउरं । कहं ?
आरूढो धवलगइंदकंधरं धुवमाणसियचमरो । धवलब्भविन्भमेणं, धरिएणं पुंडरीएणं ॥ ३०७ ॥ कयमंगलोवयारो, दाणं 'जम्मग्गिराण वियरंतो। जिणनाहचेहयाई, पूइंतो रयणमालाहिं ॥ ३०८ ॥ पडपडह-संख-काहल-भेरी-झल्लरि-मुइंग-ढकाणं । आरितो विउलं, सद्देण नहंगणाभोयं ॥ ३०९ ॥ संभासेतो सयलं, पुरीजणं दाणवयणदिट्ठीहिं । अणुगम्मतो रण्णा, नयरीओ निग्गओ बाहिं ॥ ३१०॥ कह कह वि नियत्ताविय, रायाणं पउरमंतिपरियरियं । नरनाहनिउत्तेणं, सहिओ सामंतचक्केण ॥ ३११॥ नीसाहारविसजियतुरयक्खु(खु)रुच्छलियबहलरयनियरो।
दरियकरितत्थघोडयसंदणकयघणघणारावो ॥ ३१२ ॥ , "रापरिसिणी' प्रतौ। २ सन्मार्गमितृभ्यः ।
-