Divsagar Pannatti Painnayam

Author(s): Punyavijay, Suresh Sisodiya, Sagarmal Jain
Publisher: Agam Ahimsa Samta Evam Prakrit Samsthan

Page 46

र परम्परा मान्य आगम ग्रन्थ
३७
[३२]
तस्स णं तिगिछिकूडस्स दाहिणे छक्कोडिसए पणपन्नं च कीडीओ पणतीसं च सतसहस्साइं पण्णासं च सहस्साइं अरुणोदए समुद्दे तिरियं वीइवइत्ता, अहे य रतणप्पभाए पुढवोए चत्तालीसं जोयणसहस्साई ओगाहित्ता एत्थ णं चमरस्स असुरिंदस्स असुररण्णो चमरचंचा नामं रायहाणी पण्णत्ता, एगं जोयणसतसहस्सं आयाम-विक्खंभेणं जंबुद्दीवपमाणा। ओवारियलेणं सोलस जोयणसहस्साइं आयामविक्खंभेणं, पन्नासं जोयणसहस्साई पंच य सत्ताणउए जोयणसए किंचिविसेसूणे परिक्खेवेणं, सव्वप्पमाणं वेमाणियप्पमाणस्स अद्धं नेयव्वं ।
( वियाहपण्णत्तिसुत्तं, शतक २ उद्देशक ८)
[३३]
ते णं पासायवडेंसया पणवीसं जोयणसयं उड्ढं उच्चत्तेणं बासटुिं जोयणाई अद्धजोयणं च विक्खंभेणं अब्भुग्गयमूसिय वण्णओ।
( राजप्रश्नीयसूत्र, १६२)
[३४] (i) तस्स णं मूलपासायवडेंसयस्स उत्तरपुरस्थिमेणं एत्थ णं सभा
सुहम्मा पण्णत्ता, एगं जोयणसयं आयामेणं, पण्णासं जोयणाई विक्खम्भेणं, बावत्तरि जोयणाई उड्ढे उच्चत्तेणं, अणेगखम्भ"" जाव अच्छरगण..."पासादीया ।
(राजप्रश्नीयसूत्र, १६३ )
(ii) तस्स णं मूलपासायवडेंसगस्स उत्तरपुरस्थिमेणं, एत्थ णं विजयस्स
देवस्स सभा सुधम्मा पण्णता, अद्धतेरस जोयणाई आयामेणंछ सक्कोसाइं जोयणाइं विक्खंभेणं णव जोयणाई उड्ढं उच्चत्तेणं, अणेगखंभसयसन्निविट्ठा।
(जीवाजीवाभिगमसूत्र, १३७ [1])