Divsagar Pannatti Painnayam

Author(s): Punyavijay, Suresh Sisodiya, Sagarmal Jain
Publisher: Agam Ahimsa Samta Evam Prakrit Samsthan

Page 123

दीवसामरंपत्तिपइणयं [गा० १७४-२२५. चमरचंचा रायहाणी ] 'तेगिच्छि दाहिणओ, छक्कोडिसयाई कोडिपणपन्नं । पणतीसं लक्खाइं पण्णसहस्से ६५५३५५०००० अइवइत्ता ॥१७४।। ओगाहित्ताणमहे चत्तालीसं भवे सहस्साइं ४०००० । अभितरचउरंसा बाहिं वट्टा चमरचंचा ॥१७५॥ एगं च सयसहस्सं १००००० वित्थिण्णो होइ आणुपुव्वीए। तं तिगुणं सविसेसं परीरएणं तु बोद्धव्वा ॥१७६।। पायारो नायव्वो य रायहाणोए चमरचंचाए। जोयणसयं दिवड्ढं १५० उव्विद्धो होइ सव्वत्तो॥१७७॥ पन्नासं ५० पणुवीसं २५ अड्ढत्तेरस १२३ उ जोयणाइं तु । मुले मज्झे उरि विक्खंभो सुवन्नसालस्स ॥१७८॥ कविसीसया य नियमा आयामेणऽद्धजोयणं सव्वे । कोसं विक्खंभेणं, देसूणं अद्धजोयणं उच्चा ॥१७९॥
एक्केक्कीबाहाए दाराणं पंच पंच य सयाई ५०० । तेसिं तू उच्चत्तं अड्ढाइज्जा सया २५० होति ॥१८०॥
बाराणं विक्खंभो पणवीससयं २५०० तहा पवेसो य । नगरीए चाउदिसि पंचेव उ जोयणसयाई ५०० ॥१८॥ गंतूणं वणसंडा चउरो, आयामओ य ते भणिया। साहीयसहस्सं जोयणाण १००० विक्खंभओ पंच ॥१८२॥
तेगिच्छि दाहिणओ उणटुकोडीसयाई कोडिपणपन्नं । सं लक्खाई पंच य कोसे अइवइता। इत्येवमतिविकृताकारा गाथा सर्वासु प्रतिषूपलभ्यते, अतो व्याख्याप्रज्ञप्तिसूत्रपाठानुसारेण मया एतद्गाथापाठानुसन्धान विहितमस्ति । तथा च व्याख्या-प्रज्ञप्तिसूत्रपाठः-"तस्स णं तिगिच्छिकूडस्स दाहिणेणं छक्कोडिसए पणपन्नं च कोडीओ पणतीसं च सतसहस्साइं पण्णासं च सहस्साइ अरुणोदए समुद्दे तिरियं वीइवइत्ता अहे रयणप्पभाए पुढवीए चत्तालीसं जोयणसहस्साई ओगाहित्ता एत्थ णं चमरस्स असुरिंदस्स असुररण्णो चमरचंचानाम रायहाणी पन्नत्ता।" श्रीमहावीरजैन विद्यालयप्रकाशितस्य 'वियाहपण्णत्तिसुत्तं भाग १' ग्रन्थस्य ११२ तमे पृष्ठे ।