________________
१०५
१९७३-१९८४]
गहलोतारी वातां गहलोतांरा दूजा राज
देवलियो-प्रतापगढ़ ११७३. नव लाख रुपयारी पैदास देवळियारा धणीरै हुती ही डूगरपुररा धणीर इती
ही वांसवाळारा धणीरै। ११७४. साहपुरो देवळियो दोय पाख उदैपुररी है।
साहपुरो ११७५. साहपुरारा राजारी पीढिया लिखते- राणो अमरसिघ १, सूरजमळ २,
सुजाणसिंघ ३, दोलतसिंघ ४, भारतसिंघ ५, उमेदसिंघ ६, हमीरसिघ ७,
भीमसिंघ ८ । ११७६. सायपुरै राजाई भारतसिंघजी पायी । ११७७. गेरसिंघजी १, सिरदारसिघजी २, कुसळसिघजी ३, उमेदसिंघजी ४,
जसकरणसिंघजी ५ औ पाच बेटा सहापुरारा राजा भारतसिंघजीरै । ११७८. साहपुरै उमेदसिंघजी पिता भारतसिंघजीनू कैद किया हा साहपुरा राजा
उमेदसिंघ पिता भारतसिंघन कैद कियो हो सो छोडियो नही । ११७९. पाटवी कवर उदोतसिंघनू जहर दे मारियो उदोतसिघरा बेटा रणसिंघनू
मारण सिपाही मेलियो उणरा हाथरो घाव रणसिंघरा मूडा माथै लागो जद चवदै वरसरो भीमसिंघ रणसिंघरो कवर जिणरी तरवार चली ऊ सिपाही मार राखियो बेटा जालमसिंघनू साहपुरै मालक करणरी उमेदसिंघ
विचारी ही। ११८० जगमाल उदैसिंघोतरै वसरा राणावत १, कानावत २, कछवाहा सुरताणोत
राजावत ३, राठोड चादावत ४, औ च्यार उमराव साहपुरै । ११८१ कोठिया धनोप अ चादावतारा ठिकाणा साहपुरा हेटै पडिया। ११८२ देवळियारा रावतारी पीढी लिखते राणो मोकळ १, खेमो महाराज २,
सूरजमल ३, वाघ ४, रायसिघ ५, वीको ६, तीजो ७, साखो ८, जसवतसिघ ९, हरीसिंघ १०, प्रतापसिंघ ११, प्रथीसिंह १२, गोपाळसिंघ १३,
सालमसिंघ १४, सावतसिंघ १५ । ११८३ देवळियारो धणी रावत कहीजे गाव सात सौ है हजार घोडारी साहवी । ११८४ देवळियारा धणी सीसोदिया ज्यारे नानाणारी विगत लिखते-सूरजमल
खेमावत सोनगरा रणवीर वणवीरोतरो दोहितो।
