Bankidasri Khyat

Author(s): Narottamdas Swami
Publisher: Rajasthan Puratattvanveshan Mandir

Page 163

१७६०-१७७३] चौहाणारी वातां
[ १४२ १७६०. बूदी मीरांजी जागतो पीर है. राव घणी मानता राखै जिणसू बूदीरा राव
आगै सूर खावता. विखामे श्रीजी सूर खायो जिणसू हमै बूदी राव सूर
खावै है। १७६१. हाडो राव बूदी तखत बैठो सो दारू न पीदै, भाई बेटा दारू पीवै । १७६२ सथूर बूदी कनै स्थान जठे अदंतिका देवी विराजै है । १७६३. आगै बूदीरा रावराजा नवाब दरियाखारा नगारा खोस लिया अकरो नांव
वैरीसाल, दूजा नगारारो नांव रणजीत केसरिया निसाण उण नबाबरो
लियो जदसू बूदी केसरिया निसाण रहै है । १७६४. बूदी तळहटीरा महला विवाहादिक महोत्सव हुवै । १७६५. कोटारा महारावारी पीढिया लिखते - राव रतन १, माधोसिंघ २, मुकुंद
सिंघ ३, किसोरसिंघ ४, रामसिघ ५, भीमसिंघ ६, दुरजणसाल ७,
चत्रसाल ८, अजीतसिंघ ९, गुमानसिंघ १०, उमेदसिंघ ११, किसोरसिंघ १२ । १७६६. कोटारा महारावरी पीढि लिखते - राव रतन १, माधोसिघ २, मुकदसिंघ ३,
किसोरसिंघ ४, रामसिंघ ५, भीवसिंघ ६, दुरजणसाल ७, सत्रसाल ८,
अजीतसिह ९, गुमानसिंघ १०, उमेदसिंघ ११, किसोरसिंघ १२ ।। १७६७ माधोसिंघ राव रतनरो रावजी बैठा पातसाहरी चाकरी लागी. रावजी
काळ कियो जद कोटो. पलाइतो पातसाहजी दियो सवत १६५६रा जेठ
वद ३ जनम । १७६८. राव माधोसिंघरा बेटारी विगत - मुकदसिंघ १, मोवणसिंघ २, जुझार
सिंघ ३, राम ४, सूरसिंघ ५, राणो उमेदसिंघ ६ उदैपुर वसायो, उदैसागर
तळाव करायो. सवत १६२८रा फागुण १५ राम कह्यो राण उमेदसिंघ । १७६९. हाडो मोवणसिंघ माधोसिंघोत जिणरा वेटा पाच कछवाहा मारिया । १७७०. महा बूदी हेटेसू कोटा हेटै महाराव जीवसिंघजी घालियो । १७७१ इण तरै महाराज अजीतसिंघजी कोटै रावराजा दुरजसिंघजीरी गादी
कोटे महाराव हुवो। १७७२ चत्रसालजीरो बेटो न हुवो जद चत्रसालजीरी गादी चत्रसालजीरो भाई
गुमानसिंघजी बैठो। १७७३ महाराजकवार फतैसिंघजी जोधपुरसू पधार कोटै गुमानसिंघजी महारावरी
बेटी परणिया महाराव त्याग आछो चारणा-भाटा। दियो घणा घोडा सिरपाव दिया. जस लियो।