Anangpavittha Suttani Bio Suyakhandho

Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh

Page 398

णिसीहसुत्तं उ. 13 989 सुएसु वा सेवेसु असुएसु वा रूवेसु विण्णाएसु वा सेवेसु भविण्णाएसु वा रूवेसु सजइ रजइ गिज्झइ अज्झोववजह सज्जंतं रज्जंतं गिझंतं अज्झोवव(जमाणं)जंतं वा साइजइ // 30 // जे भिक्खू पढमाए पोरिसीए असणं वा 4 पडिग्गाहेत्ता पच्छिमं पोरिसिं उवाइणावेइ उवाइणावेतं वा साइजइ // 31 // जे भिक्खू परं अद्धजोयणमेराओ परेणं असणं वा 4 उवाइणावेइ उवाइणावेतं वा साइजइ // 32 // जे भिक्खू दिया गोमयं पडिग्गाहेत्ता दिया कायंसि वणं आलिंपेज पा विलिंपेज बा आलिंपंतं वा विलिंपंतं वा साइजइ // 33 // ने भिक्खू दिया गोमयं षडिग्गाहेत्ता रत्तिं कायंसि वणं आलिंपेज वा विलिंपेज वा आलिंपंतं वा विलिंपतं वा साइजइ // 34 // जे भिक्खू रत्तिं गोमयं पडिग्गाहेत्ता दिया कायंसि वणं आलिंपेज वा विलिंपेज वा आलिंपतं वा विलिंपतं वा साइजइ॥३५॥जे भिक्खू रत्तिं गोमयं पडिग्गाहेत्ता रत्ति कायंसि वणं आलिंपेज वा विलिंपेज वा आलिंपंतं विलिंपतं वा साइजइ // 36 ॥जे भिक्खू दिया आलेवणजायं पडिग्गाहेत्ता दिया कायंसि वणं आलिंपेज वा विलिंपेज वा आलिंपतं वा विलिपंतं वा साइजइ // 37 // जे भिक्खू दिया आलेवणजायं पडिग्गाहेत्ता रत्तिं कायंसि वणं आलिंपेज वा विलिंपेज वा आलिंपंतं वा विलिंपंतं वा साइजइ॥३८॥जे भिक्खू रत्तिं आलेवणजायं पडिग्गाहेत्ता दिया कायंसि वणं आलिंपेज वा विलिंपेज वा आलिंपंतं वा विलिपंतं वा साइजइ // 39 // जे भिक्खू रत्तिं आलेवणजायं पडिग्गाहेत्ता रत्तिं कायंसि वणं आलिंपेज बा विलिंपेज वा आलिंपंतं वा विलिंपंतं वा साइजइ // 40 // जे भिक्खू अण्णउत्थिएण वा गारस्थिएण वा उवहि वहावेइ वहावेतं वा साइजइ // 41 // जे भिक्खू तण्णीसाए असणं वा 4 देइ देंतं वा साइजइ // 42 // जे भिवखू इमाओ पंच महण्णवाओ महाणईओ उद्दिट्टाओ गणियाओ वंजियाओ अंतो मासस्स दुक्खुत्तो वा तिक्खुत्तो वा उत्तरइ वा संतरइ वा उत्तरंतं वा संतरंतं वा साइजइ, तंजहागंगा नउणा सरऊ एरावई मही / तं सेवमाणे आवजइ चाउम्मासियं परिहारट्ठाणं अणुग्घाइयं // 43 // णिसीहज्ज्झयणे बारसमो उद्देसो समत्तो॥१२॥ तेरहमो उद्देसो जे भिक्खू अणंतरहियाए पुढबीए ठाणं वा सेज्जं वा णिसेज्जं वा णिसीहियं वा चेएइ चेएंतं वा साइजइ / / 1 // जे भिक्खू ससिणिद्धाए पुढवीए ठाणं वा" साइजइ // 2 // जे भिक्खू ससरक्खाए पुढवीए ठाणं वा "साइजइ // 3 //