Anangpavittha Suttani Bio Suyakhandho

Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh

Page 675

1266 अनंगपविट्ठसुत्ताणि तंजहा-पज्जवसंखा, अक्खरसंखा, संघायसंखा, पयसंखा, पायसंखा, गाहारेखा, सिलोगसंखा, वेढसंखा, णिज्जुत्तिसंखा, अणुओगदारसंखा, उद्देसगसंखा, अज्झयणसंखा, सुयखंधसंखा, अंगसंखा / सेत्तं कालियसुयपरिमाणसंखा / ' से किं तं दिट्ठिवायसुयपरिमाणसंखा ? दिट्ठिवायसुयपरिमाणसंखा अणेगविहा पण्णत्ता / तंजहापजवसंखा जाव अणुओगदारसंखा, पाडुडसंखा, पाडुडियासंखा, पाहुडपाहुडियासंखा, वत्थुसंखा / सेत्तं दिठिवायसुयपरिमाणसंखा। सेत्तं परिमाणसंखा। से किं तं जाणणासंखा ? जाणणासंखा-जो जं जाणइ, तंजहा-सदं सद्दिओ, गणियं गणिओ, णिमित्तं णेमित्तिओ, कालं कालणाणी, वेजयं वेज्जो। सेत्तं जाणणासंखा। से किं तं गणणासंखा ? गणणासंखा-एक्को गणणं ण उवेइ, दुप्पभिइ संखा, तंजहा–संखेजए, असंखेजए,अणंतए / से किं तं संखेजए ? संखेजए तिविहे पण्णत्ते / तं०-जहण्णए 1 उक्कोसए 2 अजहण्णमणुक्कोसए 3. / से किं तं असंखेजए ? असंखेजए तिविहे पण्णत्ते / तंजहा-परित्तासंखेन्जए 1 जुत्तासंखेजए 2 असंखेजासंखेजए 3 / से किं तं परित्तासंखेजए ? परित्तासंखेजए तिविहे पण्णत्ते। तंजहा-जहण्णए 1 उक्कोसए 2 अजहण्णमणुक्कोसए 3 / से किं तं जुत्तासंखेजए ? जुत्तासंखेजए तिविहे पण्णत्ते / तं०-जहण्णए 1 उक्कोसए 2 अजहण्णमणुक्कोसए 3 / से किं तं असंखेजासंखेजए ? असंखेजासंखेजए तिविहे पण्णत्ते / तं०-जहण्णए 1 उक्कोसए 2 अजहण्णमणुक्कोसए 3 / से किं तं अणंतए ? अणंतए तिविहे पण्णत्ते / तं०-परित्ताणतए 1 जुत्ताणतए 2 अणंताणतए 3 / से किं तं परित्ताणतए ? परित्ताणतए तिविहे पण्णत्ते / तंजहा-जहण्णए 1 उक्कोसए 2 .अजहण्णमणुक्कोसए 3 / से किं तं जुत्ताणतए ? जुत्ताणतए तिविहे पण्णत्ते / तंजहा-जहण्णए 1 उक्कोसए 2 अजहण्णमणुक कोसए 3 / से किं तं अणंताणतए ? अणंताणंतए दुविहे पण्णत्ते / तंजहा-जहण्णए 1 अजहण्णमणुक्कोसए 2 / जहण्णयं संखेजयं केवइयं होइ ? दोरूवयं / तेणं परं अजहण्णमणुक्कोसयाई ठाणाइं जाव उक्कोसयं संखेजयं ण पावइ / उक्कोसयं संखेजयं केवइयं होइ ? उक्कोसयस्स संखेजयस्स परूवणं करिस्सामि-से जहा. णामए पल्ले सिया-एगं जोयणसयसहस्सं आयामविखंभेणं, तिणि जोयणसयसहस्साइं सोलससहस्साई दोण्णि य सत्तावीसे जोयणसए तिणि य कोसे अट्ठावीसं च धणुसयं तेरस य अंगुलाई अद्धं अंगुलं च किंचि विसेसाहियं परिक्खेवणं पण्णत्ते, से णं पल्ले सिद्धत्थयाणं भरिए, तओ णं तेहिं सिद्धत्थएहि दीवसमुद्दाणं उद्धारो घेप्पइ, एगे दीवे एगे समुद्दे एवं पक्खिप्पमाणेणं पक्खिप्पमाणेणं जावइया