Anangpavittha Suttani Bio Suyakhandho

Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh

Page 716

.. कप्पसुत्तं-सिरिमहावीरचरियं 23 माणुसा वा तिरिक्खजोणिया या भणुलोमा वा पडिलोमा वा ते उप्पण्णे सम्मं सहइ खमइ तितिक्खइ अहियासेइ // 117 // तए णं समणे भगवं महावीरे अणगारे जाएइ(ई)रियासमिए, भासासमिए, एसणासमिए, आयाणभंडमत्तणिक्खेवणासमिए, उच्चारपासवणखेलजल्लसिंघाणपारिट्ठावणियासमिए,मणसमिए,वयसमिए,कायसमिए, मणगुत्ते, वयगुत्ते, कायगुत्ते, गुत्ते, गुत्तिदिए,गुत्तबंभयारी, अकोहे, अमाणे, अमाए अलोहे,संते,पसंते,उवसंते,परिणिबुडे,अणासवे,अममे,अकिंचणे, छिण्ण(सोए)गंथे, णिरुवलेवे, कंसपाई इव मुक्कतोए 1, संखे इव णिरंजणे 2, जीवे इव अप्पडिहयगई 3, गंगणमिव णिरालंबणे 4, वा(ऊ इव)उव्व अपडिबद्धे 5, सारयसलिलं व सुद्धहियए 6, पुक्खरपत्तं व णिरुवलेवे 7, कुम्मे इव गुत्तिदिए 8, खग्गिविसाणं व एगजाए 9, विहग इव विप्पमुक्के 10, भारंडपवखी इव अप्पमत्ते ११,कुंजरे इव सोंडीरे 12, वसहो इव जायथामे 13, सीहो इव दुद्ध रिसे 14, मंदरो इव णिक्कं. (अप्पक)पे 15, सागरो इव गंभीरे 16, चंदो इव सोमलेसे 17, सूगे इव दित्ततेए 18, जच्चकणगं व जायसवे 19, वसुंधरा इव सव्वफासविसहे 20, सुहुयहुयासणो इव तेयसा जलते 21 / इमेसि पयाणं दुण्णि संगहणिगाहाओ-कंसे संखे जीवे, गगणे वाऊ य सरयसलिले य / पुक्खरपत्ते कुम्मे, विहगे खग्गे य भारंडे // 1 // कुंजर वसहे सीहे, पगराया चेव सागरमखोहे। चंदे सूरे कणगे, वसुंधरा चेव हूयवहे // 2 // गस्थि णं तस्स भगवंतस्स कत्थइ पडिबंधे, से य पडिबंधे चउविहे. पण्णत्ते, तंजहा-दवओ खित्तओ कालओ भाषओ, दवओ णं सचित्ताचित्तमीसिएसु दव्वेसु, खित्तओ ण गामे वा णगरे वा अरण्णे वा खित्ते वा खले वा घरे या अंगणे वा णहे वा, कालओ णं समए वा आवलियाए वा आणापाणुए वा थोवे वा खणे वा लवे वा मुहत्ते वा अहोरत्ते वा पक्खे वा मासे वा. उ(ऊ)उए वा अयणे वा संवच्छरे वा अण्णयरे वा दीहकालसंजोए, भावओ णं कोहे वा माणे वा मायाए वा लोभे वा भए वा हासे वा पिज्जे वा दोसे वा कलहे वा अब्भक्खाणे वा पेसुण्णे वा परपरिवाए वा अरइरई(ए) वा मायामोसे वा मिच्छादंसणसल्ले वा, तस्स गं भगवंतस्स णो एवं भवइ // 118 // से णं भगवं वासावासवज्जं अट्ठ गिम्हहेमंतिए मासे गामे एगराइए णगरे पंचराइए वासीचंदणसमाणकप्पे समतिणमणिलेट्टकंचणे समसुहदुस्खे इहलोगपरलोगअप्पडिबद्धे जीवियमर(णे य)णणिरवकंखे संसारपारगामी कम्मसत्तुणिग्घायणढाए अब्भुटिए एवं च णं विहरइ / / 119 / / तस्स णं भगवंतस्स