Anangpavittha Suttani Bio Suyakhandho

Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh

Page 418

णिसीहसुत्तं उ. 19 1009 हत्थेण वा पाएण वा असिपत्तेण वा कुसपत्तेण वा मट्टियाए वा चेलेण वा पडिपिहेइ पडिपिहेंतं वा साइजइ // 10 // जे भिक्खू पडिणावियं कटटु णावाए दुरूहइ दुरूहतं वा साइजइ॥११॥ने भिक्खू उड्डगामिणिं वा णावं अहोगामिणिं वा णावं दुरूहइ दुरूहतं वा साइजइ // 12 // जे भिक्खू जोयणवेलागामिणिं वा अद्ध जोयणवेलागामिणिं वा णावं दुरूहइ दुरूहंतं वा साइजइ // 13 // जे भिक्खू णावं आकसइ आकसावेइ आकसावेतं वा साइजइ // 14 // जे भिक्खू णावं खेवावेइ खेवावेतं वा साइजइ // 15 // जे भिक्खू णावं रज्जुणा वा कडेण वा कड्डइ कर्व्हतं वा साइजइ // 16 // जे भिक्खूणावं अलित्तएण वा दंडेण वा पप्फिडएण वा वंसेण वा बलेण वा वाहेइ वाहतं वा साइजह // 17 // जे भिक्खू णावाओ उदगं भायणेण वा पडिग्गहणेण वा मत्तेण वा णावाउस्सिंचणेण वा उस्सिचइ उस्सिंचंतं वा साइजइ // 18 // जे भिक्खू णावं उत्तिंगेण उदगं आसवमाण उवरुवरि कजलावेमाणं (पेहाए) पलोय हत्थेण वा पाएण वा आसत्थ(असि)पत्तेण वा कुसपत्तेण वा मट्टियाए वा चेलकण्णेण वा पडिपिहेइ पडिपिहेंतं वा साइजइ // 19 // जे भिक्खू णावाओ णावागयरस असणं वा 4 पडिग्गाहेइ पडिग्गाहेतं वा साइजइ // 20 // जे भिवखू णावाओ जलगयस्स असणं वा 4 पडिग्गाहेइ पडिग्गाहेंतं वा साइजइ // 21 // जे भिक्खू . णावाओ पंकगयस्स असणं वा 4 पडिग्गाहेइ पडिग्गाहेंतं वा साइजइ // 22 // जे भिक्खू णावाओ थलगयस्स असणं वा 4 पडिग्गाहेइ पडिग्गाहेंतं वा साइजइ * // 23 // जे भिक्खू वत्थं किणइ किणावेइ कीयं आहट्ट देजमाणं पडिग्गाहेइ पडिग्गाहेंत वा बा साइजइ // 24 // (इओ आरम्भ चंउद्दसमुद्देसस्स सयलाणि वि सुत्ताणि पडिग्गहठाणे वत्थमुबजुंजिय वत्तवाणि जाव) जे भिक्खू वत्थणीसाए वासावासं वसइ वसंतं वा साइजइ, णवरं कोरणं णस्थि / तं सेवमाणे आवजइ चाउम्मासियं परिहारट्ठाणं उग्धाइयं // 68 // णिसीहऽज्झयणे अट्ठारसमो उद्देसो समत्तो // ..एगूणवीसइमो उद्देसो जे मिक्खू वियदं किणइ किणावेइ कीयं आहट्ट दिजमाणं पडिग्गाहेइ पडि. ग्गाहेतं वा साइजइ // 1 // जे भिक्खू वियडं पामिच्चइ पामिच्चाबेइ पामिच्चं आहट्ट दिजमाणं पडिग्गाहेइ पडिग्गाहेंतं वा साइजइ // 2 // जे भिक्खू वियडं परियट्टेइ . * अण्णे आयरिसे सोलसभंगा।