Anangpavittha Suttani Bio Suyakhandho

Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh

Page 671

1262 अनंगपविट्ठसुत्ताणि गुणप्पमाणे 1 दंसणगुणप्पमाणे चउविहे पण्णत्ते / तंजहा-चखुदंसणगुणप्पमाणे 1 अचखुदंसणगुणापमाणे 2 ओहिदंसणगुणप्पमाणे 3 केवलदंसणगुणप्पमाणे 4 / चक्खुदंसगं चक्खुदंसणिस्स घडपडकडरहाइएसु दव्वेसु, अचक्खुदंसणं अचक्खुदंसणिस्स आयभावे, ओहिदंसणं ओहिदंसणिस्स सव्वरूविदव्वेसु ण पुण सव्वपजवेसु,' केवलदंसणं केवलदंसणिस्स सव्वदव्वेसु य सव्वपजवेसु य / सेत्तं दंसंणगुणप्पमाणे / से किं तं चरित्तगुणप्पमाणे ? चरित्तगुणप्पमाणे पंचविहे पण्णत्ते / तंजहा-सामाइयचरित्तगुणप्पमाणे 1 छेओवट्ठावणचरित्तगुणप्पमाणे 2 परिहारविसुद्धियचरित्तगुणप्पमाणे 3 सुहुमसंपरायचरित्तगुणप्पमाणे 4 अहक्खायचरित्तगुणप्पमाणे 5 / सामाइयचरित्तगुणप्पमाणे दुविहे पण्णत्ते / तंजहा-इत्तरिए य 1 आवकहिए य 21 छेओवट्ठावणचरित्तगुणप्पमाणे दुविहे पण्णत्ते / तंजहा-साइयारे य 1 णिरइयारे य 2 / परिहारविसुद्धियचरित्तगुणप्पमाणे दुविहे पण्णत्ते / तंजहा-णिव्विसमाणए य 1 णिविट्ठकाइए य 2 / सुहुमसंपरायचरित्तगुणप्पमाणे दुविहे पण्णत्ते / तंनहा-संकि. लिस्समाणए य 1 विसुज्झमाणए य 2 / अहवा सुहुमसंपरायचरित्तगुणप्पमाणे दुविहे पण्णत्ते / तंजहा-पडिवाई य 1 अपडिवाई य 2 / अहक्खायचरित्तगुणप्पमाणे दुविहे पण्णत्ते। तंजहा-पडिवाई य 1 अपडिवाई य 2 / अहवा अहक्खायचरित्तगुणप्पमाणे दुविहे पण्णत्ते / तंजहा-छउमथिए य 1 केवलिए य 2 / सेत्तं चरित्तगुणप्पमाणे / सेत्तं जीवगुणप्पमाणे / सेत्तं गुणप्पमाणे // 145 // से किं तं णयप्पमाणे ? णयप्पमाणे तिविहे पण्णत्ते / तंजहा-पत्थगदिटुंतेणं 1 वसहि दिटुंतेणं 2 पएसदिटुंतेणं 3 / से किं तं पत्थगदिटुंतेणं ? पत्थगदिटुंतेण–से जहाणामए केइ पुरिसे परसुं गहाय अडविसमहुत्तो गच्छेजा, तं पासित्ता केइ वएजा-"कहिं भव गच्छसि ?" अविसुद्धो णेगमो भवइ-"पत्थगस्स गच्छामि” / तं च केइ छिंदमाणं पासित्ता वएजा-"किं भवं छिंदसि ?" विसुद्धो णेगमो भणइ-"पत्थयं छिंदामि। तं च केइ तच्छमाणं पासित्ता वएजा-"किं भवं तच्छसि ?" विसुद्धतराओ णेगमो भणइ-"पत्थयं तच्छामि" / तं च केइ उक्कीरमाणं पासित्ता वएजा-"किं भवं उक्कीरसि ?" विसुद्धतराओ णेगमो भवइ-"पत्थयं उक्कीरामि। तं च केइ विलिहमाणं पासित्ता वएजा-"किं भवं विलिहसि?” विसुद्धतराओ णेगमो भणइ-"पत्थयं विलिहामि” / एवं विसुद्धतरस्स णेगमस्स णामाउडिओ पत्थओ। एवमेव ववहारस्स वि / संगहस्स चियमियमेजसमारूढो पत्थओ / उजसुयस्स पत्थओ वि पत्थओ,