Agam 45 Chulika 02 Anuyogdwar Sutra Part 02

Author(s): Aryarakshit, Jambuvijay
Publisher: Mahavir Jain Vidyalay

Page 491

१३७
श्री अनुयोगद्वारसूत्रस्य द्वितीयविभागस्य सप्तमं परिशिष्टम् (२)
सादिरेयचत्तारिरज्जुविक्खंभाणि दक्खिण-वामहेट्ठिमकोणे तिण्णि रज्जुबाहल्लाणि, दक्खिण-वामकोणेसु जहाकमेण उवरिम-हेट्ठिमेसु दिवङ्करज्जुबाहल्लाणि, अवसेसदोकोणेसु एगागासबाहल्लाणि, अण्णत्थ कम-वडिगदबाहल्लाणि घेत्तूण तत्थ एगखेत्तस्सुवरि विदियखेत्ते विवजासं काऊण तृविदे सव्वत्थ तिण्णि रज्जुबाहल्लखेत्तं होइ । एदस्स वित्थारमुस्सेहेण गुणिय वेहेण गुणिदे खायफलमेत्तियं होइ ४९ १५३ । अवसेसचत्तारि खेत्ताणि अद्भुट्ठरज्जुस्सेहाणि छव्वीसुत्तरवेसदेहि एगरज्जु खंडिय तत्थ एगट्ठिसदखंडिहि सादिरेयचत्तारिरज्जुभुजाणि कण्णक्खेत्ते आलिहिय दोसु वि पासेसु मज्झम्मि छिण्णेसु चत्तारि आयदचउरंसखेत्ताणि अट्ठ तिकोणखेत्ताणि च होति । एत्थ चदुण्हमायदचउरंसखेत्ताणं फलं पुब्विल्लदोखेत्तफलस्स चउब्भागमेत्तं होदि । चदुसु वि खेत्तेसु बाहल्लाविरोहेण एगढे कदेसु तिण्णिरज्जुबाहल्लं, पुव्विल्लखेत्तविक्खंभायामेहितो अद्धमेत्तविक्खंभायामपमाणखेत्तुवलंभादो । किमटुं चदुण्हं पि मिलिदाणं तिण्णि रज्जुबाहल्लत्तं ? पुब्विल्लखेत्तबाहल्लादो संपहियखेत्ताणमद्धमेत्तबाहल्लं होदूण तदुस्सेहं पेखिदूण अद्धमेत्तुस्सेहदसणादो । संपहि सेसअट्ठखेत्ताणि पुव्वं व खंडिय तत्थ सोलस तिकोणखेत्ताणि अणंतरादीदखेत्ताणमुस्से हादो विखंभादो बाहल्लादो च अद्धमेत्ताणि अवणिय अट्ठण्हमायदचउरंसखेत्ताणं फलमणंतराइक्कंतचदुखेत्तफलस्स चउभागमेत्तं होदि । एवं सोलस-बत्तीसचउसट्ठिआदिकमेण आयदचउरंसखेत्ताणि पुब्विल्लखेत्तफलादो चउब्भागमेत्तफलाणि होदूण गच्छंति जाव अविभागपलिच्छेदं पत्तं ति । एवमुप्पण्णासेसखेत्तफलमेलावणविहाणं वुच्चदे । तं जहा-सव्ववेत्तफलाणि चउगुणकमेण अवट्ठिदाणि त्ति कादूण तत्थ अंतिमखेत्तफलं चउहि गुणिय रूवूणं काऊण तिगुणिदछेदेण ओवट्टिदे एत्तियं होइ ६५ १३५६ । अधोलोगस्स सव्वखेत्तफलसमासो १०६ १३६६ ।
संपहि उडलोगखेत्तफलमाणेमो । तत्थ सूईखेत्तफलं पुवविहाणेण आणिदे एत्तियं होइ ५ ४२२ । संपहि उवरिममद्धं पंचरज्जुविक्खंभुद्देसे खंडिय तत्थ एगखंडं पुध द्वविय मज्झम्मि सेसखंडं उड्डं फालिय पसारिदे सुप्पखेत्तं होदि । तस्स मुहवित्थारो एत्तिओ होदि ११३ । तलवित्थारो एत्तिओ होदि १५ ११६ । मुहम्मि एगागासबाहल्लं, तलम्मि मुहप्पमाणमज्झम्मि वेरज्जुबाहल्लं, पुणो कमहाणीए गंतूण हेट्ठिमदोकोणेसु एगागासबाहल्लं होदि । एदम्मि खेत्ते मुहवित्थारविक्खंभेण खंडिदे दोणि तिकोणखेत्ताणि एगमायदचउंरसखेतं च होई । आयदचउरंसखेत्तस्स अद्भुट्ठरज्जुदीहस्स सादिरेयतिण्णिरज्जुविक्खंभस्स तलम्मि वे रज्जु मुहम्मि एगागासबाहल्लस्स फलमाणेमो । तंजहा-विक्खंभेणुस्सेहं गुणेऊण ओवेहेणगरज्जुणा गुणिदे मज्झिल्लखेत्तफलं होइ । तस्स पमाणमेदं ११ ३३६ । सेस दो-तिकोणखेत्ताणि अद्भुट्ठरज्जुस्सेहाणि एगरज्जु तेरसुत्तरसदेण खंडिय तत्थ बत्तीस खंडब्भहियछरज्जुविक्खंभाणि पुव्वं व मज्झम्मि खंडिय तत्थुप्पण्णाणि चत्तारि तिकोणखेत्ताणि ओसारिय दोण्हमायदचउरंसखेत्ताणं पाऊणदोरज्जुस्सेहाणं तेरसुत्तरसदेण एगरज्जु खंडिय तत्थ सोलसखंडब्भहिय तिण्णिरज्जविक्खंभाणं दो-एक्क-सुण्णेकरज्जुबाहल्लाणं फलमाणेमो। तं जहा-एगखेत्तस्सुवरि विदियखेत्तं विवज्जासं काऊण विदे वेरज्जुबाहल्लमेगं खेतं होइ । पुणो विक्खंभुस्सेहाणं संवग्गं काऊण ओवेहेण गुणिदे खेत्तफलं होदि । तस्स पमाणमेदं १० २२६ । पुणो सेसचउण्हं खेत्ताणं फलमेदस्स चउब्भागमेत्तं होदि । कारणं सुगम, अधोलोगपरूवणाए परूविदत्तादो। जेणेवं सव्वखेत्तफलाणि अणंतराइक्कंतखेत्तफलादो चउब्भागक्कमेणावट्ठिदाणि, तेण तेसिं फले एत्थ मेलाविदे एत्तियं होदि १४ ६७८ । उड्डलोगखेत्तस्स सव्वफलसमासो एत्तिओ होइ ५८ ६५५६ । उड्डाधोलोगखेत्तफलसमासो एत्तिओ होदि १६४ ३३८ । तदो सिद्धं घणलोगस्स संखेजदिभागत्तं।