Agam 45 Chulika 02 Anuyogdwar Sutra Part 02

Author(s): Aryarakshit, Jambuvijay
Publisher: Mahavir Jain Vidyalay

Page 490

षट्खण्डागमे जीवस्थाने क्षेत्रानुगमे धवलाटीकायां लोकप्रमाणप्ररूपणम्
१३६
(२) अथ दिगम्बराम्नायानुसारेण लोकमाननिरूपणम् । षट्खण्डागमे जीवस्थाने क्षेत्रानुगमे धवलाटीकायां लोकप्रमाणप्ररूपणम् (पृ० १०-१२) "एत्थ लोगे त्ति वुत्ते सत्तरज्जूणं घणो घेतव्यो । कुदो ? एत्थ खेत्तपमाणाधियारे - पल्लो सायर सूई पदरो य घणंगुलो य जगसेढी । लोयपदरो य लोगो अट्ठ दु माणा मुणेयव्वा ॥५॥
इदि एत्थ वुत्तलोगग्गहणादो । जदि एसो लोगो घेप्पदि, तो पंचदव्वाहारआगासस्स गहणं ण पावदे। कुदो ? तम्हि सत्तरज्जुघणपमाणमेत्तखेत्तस्साभावा । भावे वा
हेट्ठा मज्झे उवरिं वेत्तासण-झल्लरी-मुइंगणिहो । मज्झिमवित्थारेण य चोद्दसगुणमायदो लोगो ॥६॥ लोगो अकट्टिमो खलु अणाइणिहणो सहावणिव्वत्तो । जीवाजीवेहि फुडो णिच्चो तलरुक्खसंठाणो ॥७॥ लोयस्स य विक्खंभो चउप्पयारो य होइ णायव्वो । सत्तेक्कगो य पंचेक्कगो य रज्जू मुणेयव्वा ॥८॥
एदाओ सुत्तगाहाओ अप्पमाणत्तं पावेंति त्ति ? ।
एत्थ परिहारो वुच्चदे । एत्थ लोगे त्ति वुत्ते पंचदव्वाहारआगासस्सेव गहणं, ण अण्णस्स । 'लोगपूरणगदो केवली केवडि खेत्ते, सव्वलोगे' इदि वयणादो । जदि लोगो सत्तरज्जुघणपमाणो ण होदि तो ‘लोगपूरणगदो केवली लोगस्स संखेजदिभागे' इदि भणेज्ज । ण च अण्णाइरियपरूविदमुदिंगायारलोगस्स पमाणगं पेक्खिऊण संखेजदिभागत्तमसिद्धं, गणिज्जमाणे तहोवलंभादो । तं जहा-मुदिंगायारलोयस्स सूई चोद्दसरज्जुआयदं एगरज्जुविक्खंभं वटुं लोगादो अवणिय पुध हवेदव्वं । एवं ठविय तस्स फलाणयणविहाणं भणिस्सामो । तं जहा-एदस्स मुहतिरियवट्टस्स एगागासपदेसबाहल्लस्स परिठओ एत्तिओ होदि ३७१ । इममद्धेऊण विक्खंभःण गुणिदे एत्तियं होदि ३५३ । अधोलोगभागमिच्छामो त्ति सत्तहि रज्जूहि गुणिदे खायफलमेत्तियं होदि ५ ३३७ । पुणो णिस्सूईखेत्तं चोद्दसरज्जुआयदं दो खंडाणि करिय तत्थ हेट्ठिमखंड घेत्तूण उड्ठं पाटिय पसारिदे सुप्पखेत्तं होऊण चेदि । तस्स मुहवित्थारो एत्तिओ होदि ३१३ । तलवित्थारो एत्तिओ होदि २२११३। एत्थ मुहवित्थारेण सत्तरज्जुआयामेण छिंदिदे दो तिकोणखेत्ताणि एयमायद चतुरस्स खेत्तं च होइ । तत्थ ताव मज्झिमखेत्तफलमाणिज्जदे । एदस्स उस्सेहो सत्त रज्जूओ। विक्खंभो पुण एत्तिओ होदि ११३ । मुहम्मि एगागासपदेसबाहल्ल, तलम्मि तिण्णि रज्जुबाहल्लो त्ति सत्तहि रज्जूहि मुहवित्थारं गुणिय तलबाहल्लद्धेण गुणिदे मज्झिमखेत्तफलमेत्तियं होइ ३४ २२६ । संपहि सेसदोखेत्ताणि सत्तरज्जुअवलंबयाणि तेरसुत्तरसदेण एगरज्जु खंडिय तत्थ अद्वेतालीसखंडब्भहियणवरज्जुभुजाणि भुजकोडिपाओग्गकण्णाणि कण्णभूमीए आलिहिय दोसु वि दिसासु मज्झम्मि फालिदे तिण्णि तिण्णि खेत्ताणि होति । तत्थ दो खेत्ताणि अद्भुट्ठरज्जुस्सेहाणि छव्वीसुत्तर-वेसदेहि एगरज्जु खंडिय तत्थ एगट्ठिखंडब्भहियखंडसदेण
* दिगम्बराम्नायानुसारेण यानि लोकस्वरूपदर्शकानि विविधानि रेखाचित्राणि सन्ति तानि षट्खण्डागमधवलटीकायां चतुर्थे पुस्तके प्रारम्भे, तिलोयपण्णत्तीमध्ये च प्रथमाधिकारे तत्र तत्र तत्सम्पादकैर्निदर्शितानि सन्ति । विशेषजिज्ञासुभिः तत्रैव द्रष्टव्यानि ।