Agam 45 Chulika 02 Anuyogdwar Sutra Part 02

Author(s): Aryarakshit, Jambuvijay
Publisher: Mahavir Jain Vidyalay

Page 494

श्री अनुयोगद्वारसूत्रस्य द्वितीयविभागस्य तिलोयपण्णत्तिग्रन्थे लोकस्वरूपवर्णनम् १४० उणवण्णभजिदसेढी अठ्ठसु ठाणेसु ठाविदूण कमे । वासटुं गुणआरा सत्तादिछक्कवलिगदा ॥१७८॥ सत्तघणहरिदलोयं सत्तसु ठाणेसु ठाविदूण कमे । विंदफले गुणयारा दसपभवा छक्कवढिगदा ॥१७९॥ उदओ हवेदि पुव्वावरेहि लोयंतउभयपासेसु । तिदुइगिरजुपवेसे सेढी दुतिभागतिदसेढीओ ॥१८०॥ भुजपडिभुजमिलिदद्धं विंदफलं वासमुदयवेदहदं । एक्काययत्तबाहू वासद्धहदा य वेदहदा ॥१८१॥ वादालहरिदलोओ विंदफलं चोद्दसावहिदलोओ। तब्भंतरखेत्ताणं पणहदलोओ दुदालहिदो ॥१८२।। एदं खेत्तपमाणं मेलिय सयलं पि दुगुणिदं काहुँ । मज्झिमखेत्ते मिलिदे चउगुणिदो सगहिदो लोओ ॥१८३।। रज्जुस्स सत्तभागो तियछदुपंचेक्कचउसगेहि हदा । खुल्लयभुजाण रुंदा वंसादी थंभबाहिरए ॥१८४।। लोयंते रज्जुघणा पंच च्चिय अद्धभागसंजुत्ता । सत्तमखिदिपज्जंता अड्डाइजा हवंति फुडं ॥१८५।। उभयेसिं परिमाणं बाहिम्मि अब्भंतरम्मि रज्जुघणा । छट्ठक्खिदिपेरंता तेरस दोरूघपरिहत्ता ॥१८६।। आहिरछब्भाएसुं अवणीदेसुं हवेदि अवसेसं । सतिभागछक्कमेत्तं तं चिय अब्भंतरं खेत्तं ॥१८७॥ आहुटुं रज्जुघणं धूमपहाए समासमुद्दिटुं । पंकाए चरिमंते इगिरज्जुघणा तिभागूणं ॥१८८॥ । रज्जुघणा सत्त च्चिय छब्भागूणा चउत्थपुढवीए । अब्भंतरम्मि भागे खेत्तफलस्स प्पमाणमिदं ॥१८९॥ रज्जुघणद्धं णवहदतदियखिदीए दुइजभूमीए । होदि दिवड्डाए दो मेलिय दुगुणं घणो कुज्जा ॥१९०॥ तेत्तीसब्भहियसयं सव्वच्छेत्ताण सव्वरज्जुयाण । ते ते सव्वे मिलिदा दोण्णि सया होति चउहीणा ॥१९१॥ एक्केक्करज्जुमेत्ता उवरिमलोयस्स होंति मुहवासा । हेट्ठोवरि भूवासा पण रजू सेढिअद्धमुच्छेहो ॥१९२॥ भूमीए मुहं सोहियं उच्छेहहिदं मुहादु भूमीदो । खयवड्डीण पमाणं अडरूवं सत्तपविहत्तं ॥१९३॥ तक्खयवडिपमाणं णियणियउदयाहदं जइच्छाए । हीणब्भहिए संते वासाणि हवंति भूमुहाहिंतो ॥१९४।। अट्ठगुणिदेगसेढी उणवण्णहिदम्मि होदि जं लद्धं । स च्येय वड्डिहाणी उवरिमलोयस्स वासाणं ॥१९५।। रज्जूए सत्तभागं दससु ठाणेसु ठाविदूण तदो । सत्तोणवीसइगितीसपंचतीसेक्कतीसेहिं ॥१९६॥ सत्ताहियवीसेणं तेवीसेहिं तहोणवीसेण । पण्णरस वि सत्तेहिं तम्मि हदे उवरि वासाणि ॥१९७।। उणदालं पण्णत्तरि तेत्तीसं तेत्तियं च उणतीसं । पणवीसमेकवीसं सत्तरसं तह य बावीसं ॥१९८।। एदाणि य पत्तेक्कं घणरज्जूए दलेण गुणिदाणि । मेरुतलादो उवरिं उवरिं जायंति विंदफलं ॥१९९। थंभुच्छेहा पुव्वावरभाए बम्हकप्पपणिधीसु । एक्कदुरज्जुपवेसे हेट्ठोवरि चउदुगहिदे सेढी ॥२००॥ छप्पणहरिदो लोओ ठाणेसुं दोसु ठविय गुणिदव्वो । एक्कतिएहिं एदं थंभंतरिदाण विंदफलं ॥२०१॥ एवं विय, विंदफलं संमेलिय चउगुणिदं होदि तस्स कादूणा । मज्झिमखेते मिलिदे तियगुणिदो सग-हिदो लोओ ॥२०२॥"
- इति यतिवृषभाचार्यप्रणीते तिलोयपण्णत्तिग्रन्थे प्रथमाधिकारे ।