Agam 13 Upang 02 Rajprashniya Sutra Shwetambar

Author(s): Purnachandrasagar
Publisher: Jainanand Pustakalay

Page 32

|च णं णाणामणि जाव पीवरं पलंबं वामं भुयं पसारेति, तओ णं सरिसयाणं सरित्तयाणं सरिव्वतीणं सरिसलावण्णरूवजोव्वणगुणोववेयाणंएगाभरणवसणगहियनिजोयाणं दुहतोसंवेलियरगनियत्थीणं आविद्धतिलयामेलाणंपिणद्धगेवेजकंचुईणंणाणामणिरयणभूसणविराइयंगमंगीणं चंदाणणाणं चंदद्धसमनिलाडाणं चंदाहियसोमदंसणाणं उकाइव उज्जोवेभाणीणं सिंगारागारचारुवेसाणं हसियभणियचिट्ठियविलाससललियसलावनिउणजुत्तोवयारकुसलाणं गहियाउजाणं अट्ठसयं नट्टसजाणं देवकुमारियाणं णिग्गच्छइ, तए णं से सूरियाभे देवे अट्ठसयं संखाणं विउव्वति अट्ठसयं संखवायाणं विउव्वद अट्ठसयं सिंगाणं विउव्वइ अट्ठसयं सिंगवायाणं विउव्वइ अट्ठसयं संखियाणं विउव्वइ अट्ठसयं संखियवायाणं विउव्वइ अहसयं खरमुहीणं विउव्वइ अट्ठसयं खरमुहिवाइयाणं विउव्वइ अट्ठसयं पेयाणं विउव्वति अट्ठसयं पेयावायगाणं० अट्ठसयं पीरपीरियाणं विउव्वइ एवमाइयाई एगूणपण्णं आउज्जविहाणाई विउव्वद चा तए णं ते बहवे देवकुमार य देवकुमारियाओ य सदावेति, तए णं ते बहवे देवकुमारा य देवकुमारीयो य सूरियाभेणं देवेणं सद्दाविया समाणा हट्ठ जाव जेणेव सूरिया देवे तेणेव उवागच्छन्ति त्ता सूरियाभं देवं करयलपरिग्गहियं जाव वद्धावित्ता एवं व०संदिसंतु णं देवाणुप्पिया! जं अम्हेहिं कायव्वं, तए णं से सूरियाभे ते बहवे देवकुमारा य देवकुमारीओ य एवं व०-गच्छह णं तुब्बे देवाणुप्पिया समणं भगवं महावीरं तिक्खुत्तो आयहिणपयाहिणं रेह त्ता वंदह नमंसह त्ता गोयमाइयाणं समणाणं निग्गंथाणं तं दिव्वं देविढिं दिव्वं देवजतिं दिव्यं देवाणभावं दिव्यं बत्तीसइबद्धंणदृविहिं उवदंसेहत्ता खिय्यामेव एयमाणत्तियं पच्चप्पिणह, तए I श्री राजप्रश्रीयोपांगम् ॥
| २१
पू. सागरजी म. संशोधित