Agam 13 Upang 02 Rajprashniya Sutra Shwetambar

Author(s): Purnachandrasagar
Publisher: Jainanand Pustakalay

Page 104

के सिकुमारसमणं एवं व० - तुज्झे णं भंते ! इनच्छेया दक्खा जाव उवएसलद्धा समत्था णं भंते ! ममं करयलंसि वा आमलयं जीवं सरीराओ अभिनिव्वट्टित्ताणं उवदंसित्तए ?, तेणं कालेनं० पएसिस्स रण्णो अदूरसामंते वाउयाए संवुत्ते तणवणस्सइकाए एयड़ वेयइ चलइ फंदड़ घट्टइ उदीरइ तं तं भावं परिणमइ, तए णं केसीकुमारसमणे पएसिरायं एवं व० - पाससि णं तुमं पएसी ! एवं तणवणस्सइकार्यं एयंतं जाव तं तं भावं परिणमंतं ?, हंता पासामि, जाणासि णं तुमं पएसी ! एवं तणवणस्सइकार्यं किं देवो चालेइ असुरो० णागो वा० किन्नरो वा चालेइ किंपुरिसो वा चालेइ महोरगो वा चालेइ गंधव्वो वा चालेइ ?, हंता जाणामि, णो देवो चालेइ जाव णो गंधव्वो चालेइ वाउयाए चालेइ, पाससि णं तुमं पएसी ! एतस्स वाउकायस्स सरूविस्स सकामस्स सरागस्स समोहस्स सवेयस्स सलेसस्स ससरीरस्स रूवं?, णो तिणद्वे०, जइ णं तुमं पएसी राया ! एयस्स वाउकायस्स सरूविस्स जाव ससरीरस्स रूवं न पाससि तं कहं णं पएसी ! तव करयलंसि वा आमलगं जीवं उवदंसिस्सामि ?, एवं खलु पएसी ! दस ठाणाई छउमत्थे मणुस्से सव्वभावेणं न जाणइ न पासइ, तं०- धम्मत्थिकार्य अधम्मत्थिकार्य आगासत्थिकायं जीवं असरीरपडिबद्धं परमाणुपोग्गलं सदं गंध वायं अयं जिणे भविस्सइ वा णो भविस्सइ अयं सव्वदुक्खाणं अंतं करेस्सइ वा नो वा, एताणि चेव उप्पन्ननाणदंसणधरे अरहा जिणे केवली सव्वभावेणं जाणइ पासइ, तं०- धम्मत्थिकायं जाव नो वा करिस्सइ, तं सद्दहाहि णं तुभं पएसी ! जहा अन्नो जीवो तं चेव ९ । ७३ । तए णं से पएसीराया केसिं कुमारसमणं एवं व० से नूणं भंते! हत्थिस्स य कुंथुस्स य समे चेव जीवे ?, हंता ॥ श्री राजप्रश्रीयोपांगम् ॥
९३
पू. सागरजी म. संशोधित