Agam 10 Ang 10 Prashna Vyakaran Sutra Shwetambar

Author(s): Purnachandrasagar
Publisher: Jainanand Pustakalay

Page 25

Acharya Shri Kailashsagarsuri Gyanmandir
निक्खेवे अवहरंति परस्स अत्थंमि गढियगिद्धा अभिजुंजंति य परं असंतएहिं लुद्धाय करेंति कूडसक्खित्तणं असच्चा अत्थालियं च कनालियं च भोमालियं च तह गवालियंच गरुयं भणंति अहरगतिगमणं, कारणं अनंपिय जातिरूवकुलसीलपच्च्यं मायाणिगुणं चवलपिसुणं परमट्ठभेदकमसंकं विहेसमणत्थाकरकं पावकम्ममूलं दुद्धिंदुस्सुयं अमुणियं निलज लोकगरहणिजं वहबंधपरिकिलेसबहुलं जरामरणदुक्खसोयनिम्मं असुद्धपरिणामसंकिलिटुं भणंति अलिया हिंसंति संनिविद्वा असंतगुणुदीरका य संतगुणनासका य हिंसाभूतोवधातितं अलियसंपउत्त। वयणं सावजमकुसलं साहुगरहणिजं अधम्मजणणं भांति अणभिगयपुनपावा, पुणोवि अधिकरणकिरियापवत्तका बहुविहं अणत्थं अवमई अप्पणो परस्स य करेंति, एभेव जंपमाणा महिससूकरे य साहिति घायगाणं ससयपसयरोहिए य साहिति वागुराणं तित्तिरवकलावके य कविंजलकवायके य साहिति साउणीणं झसमगरकच्छ य साहिति मच्छियाणं संखंके खुल्लए य साहिति मगराणं (मग्गिणं पा०) अयगरगोणसमंडलिदव्वीकरे मउली य साहिति वालवीणं (वायलियाणं पा०) गोहासेहगसल्लगसरडके य साहिति लुद्धगाणं गयकुलवानर कुले साहिति पासियाणं सुकबरहिणमयणसालकोइलहंसकुले सारसे य साहिति पोसगाणं वधबंधजावणं च साहिति गोम्मियाणं धणधनगवेलए य साहिति तकराणं गामागरनगरपट्टणे य साहिति चारियाणं पारघायइयपंथघातियाओ साहति गठिभेयाणं क्यं च चोरियं नगरगोत्तियाणं लंछणनिलंछणधमणदुहणपोसणवणण- दवणवाहणादियाई साहिति बहूणि गोमियाणं धातुमणिसिलप्पवालरयणागरे य साहिति ॥ श्री प्रश्रव्याकरणदशाङ्गम् ॥
पू. सागरजी म. संशोधित ||
For Private And Personal