Agam 10 Ang 10 Prashna Vyakaran Sutra Shwetambar

Author(s): Purnachandrasagar
Publisher: Jainanand Pustakalay

Page 47

Acharya Sri Kalashsagarsuri Gyarmandir
य बद्धरुद्धा य एवं जाव गच्छंति विपुलमो हाभिभूयसना मेहुणमूलं च सुव्वए तत्थ । २१ वत्तपुव्वा संगामा जणक्खयकरा सीयाए दोवईए कए रुप्पिणीए पउभावईए ताराए कंचणाए रत्तसुभद्दाए अहिल्लियाए सुवनगुलियाए किनरीए सुरूबविजुमतीएरोहिणीए य अनेसु य एवमादिएसु बहवो महिलाकएसु सुव्वंति अइहंता संगामा गामधम्ममूला इहलोए ताव नट्ठा परलोएविय हा महया मोहतिमिसंघकारे घोरे तसथावरसहमबादरेस पज्जत्तमपजत्तसाहारणसरीरपत्ते यसरीरेस य अंडजपोतजजराउयरसजसंसेइमसमुच्छिमउब्भियउववादिएसु य नरगतिरियदेवमाणुसेसु जरामरणरोगसोगबहुले पलिओवमसागरोवमाइं अणादीयं अणवदग्गं दीहमद्धं चाउरंतसंसारकंतारं अणुपरियटॅति जीवा मोहवससंनिविठ्ठा, एसो सो अबंभस्स फलविवागो इहलोइओ पारलोइओ य अप्पसुहो बहुदुक्खो महब्मओ बहुरयप्पगाढो दारुणो कक्कसो असाओ वाससहस्सेहिं मुच्चती, न य अवेदइत्ता अस्थि हु मोक्खोत्ति एवमासु, नायकुलनंदणो महप्पा जिणोउ वीरवनामधेजो कहेसी यअबभस्मफलविवागं एयं, तं अबंभंपिचउत्थं सदेवमणुयासुरस्स लोगस्स पत्थणिजं एवं चिरपरिचियमणुगयं दुरंतं चउत्थं अधम्मदारं समत्तं तिबेमि । १६ ॥ द्वारं ४ ॥ ___ जंबू ! इत्तो परिग्गहो पंचमो 3 नियमा णाणामणिकणगरयणमहरिहपरिमलसपुत्तदारपरिजणदासीदासभयगपेसहयगयगोमहिस उट्टखरअयगवेलगसीयासगडरह जाणजुग्गसंदणसयणासणवाहणकुवियधणधनपाणभोयणाच्छायणगंधमल्लभायणभवणविहिं चेव बहुविहीयं भरहं गणगरणियमजणवयपुरवरदोणमुहखेडकब्बडम्डंबसंबाहपट्टणसहस्सपरिमंडियं थिमियमेइणीयं एगच्छत्तं ससागर ॥ श्री प्रश्रव्याकरणदशाङ्गम् ॥
पू. सागरजी म. संशोधित ||
For Private And Personal