Updeshmala Doghatti Bhavanuvad

Author(s): Ratnatrayvijay
Publisher: Ranjanvijay Jain Pustakalay

Page 6

શત્રુંજયમંડન-શ્રીઋષભસ્વામિને નમઃ । શ્રીશ્રુતધ૨-પ્રભાવક-સ્થવિરેભ્યો નમઃ ।
અનુવાદકીય-સંપાદકીય નિવેદન
અનંતજ્ઞાની શ્રીતીર્થંકર ભગવતોનાં વચનાનુસાર અનંતદુ:ખસ્વરૂપ, અનંત દુઃખફલ અને અનંત દુઃખપરંપરાવાળા આ સંસારમાં આ જીવ ચારેય-ગતિ તેમજ ૮૪ લાખ જીવયોનિમાં આમ-તેમ ચકડોળ માફક ઉંચે-નીચે અથડાતો અથડાતો, ભવિતવ્યતા પરિપક્વ થવાના યોગે અકામનિર્જરાના કારણે હલુકર્મી થવા સાથે સરિત્પાષાણ-ગોલન્યાયે અતિદુર્લભ મનુષ્યભવ સુધી આવી પહોંચ્યો.
દરેક ભવમાં આહાર, ભય, મૈથુન અને પરિગ્રહસંજ્ઞા અને તેના ઉદ્યમવાળો હતો, પરંતુ આત્મલક્ષી દૃષ્ટિવાદોપદેશિકી સંજ્ઞા કોઈ ભવમાં પામ્યો નથી. તે સંજ્ઞા મેળવવા પહેલાં જીવે અનેક વિશુદ્ધ પ્રયત્નો કરવા પડે છે. તીર્થંકર ભગવંતના શાસન કે ગીતાર્થ ગુરુમહારાજનો યોગ થયા સિવાય, તેમના ઉપદેશ સિવાય તેવા પ્રયત્નો કરવા આત્મા સ્વયં ઉલ્લસિત થઇ શકતો નથી. તીર્થંકર ભગવંતના આત્માઓને પણ છેલ્લા ભવ સિવાય લગભગ દરેક ભવમાં ઉપદેશક ગીતાર્થ ગુરુભગવંતોના સહારાની જરૂર રહે, તો પછી સામાન્ય આત્મા માટે તો ઉપદેશક ગુરુમહારાજની વિશેષ જરૂ૨ ગણાય.
હૂંડા-અવસર્પિણીના આ પાંચમાં આરામાં પણ શ્રીવીરભગવંતના અવિચ્છિન્ન પ્રભાવશાળી જૈનશાસનમાં તેવા અનેક જ્ઞાની ગીતાર્થ આચાર્ય ભગવંતો થઇ ગયા અને શાસનના પુણ્યપ્રભાવે હજુ પણ શાસનની ધુરા વહન કરનારા પ્રભાવક મહાપુરુષો-ગુરુવર્યો થશે, જેના ઉપદેશયોગે દરેક કાળમાં શાસનની છત્રછાયામાં વર્તી પુણ્યશાળી આત્માઓ તેમના ઉપદેશાનુસાર સમ્યગ્દર્શનાદિ મોક્ષમાર્ગમાં જોડાશે. સ્થિર થશે, વૃદ્ધિ પામશે અને બીજા આત્માઓના પ્રેરક બનશે.
તીર્થંકર ભગવંતની ગેરહાજરીમાં પણ આચાર્ય ભગવંતાદિ ગીતાર્થ ગુરુભગવંતો તીર્થંકરના વચનાનુસાર મોક્ષમાર્ગનો જ ઉપદેશ આપી, અનેક શાસન-પ્રભાવનાઓ કરી કોઇ પ્રકારે અનેક આત્માઓને સંસારવિમુખ બનાવી મોક્ષમાર્ગ તરફ પ્રીતિ ઉત્પન્ન કરાવનારી, સંસારસમુદ્ર તારનારી, આત્મોન્નતિ કરાવનારી સુંદર દેશનાનો વિપુલપ્રવાહ આગમના ઉંડા ગંભીર શાસ્ત્ર-સરોવરમાં વહેવડાવે છે.
વળી આવા કેવલી તીર્થંકર ભગવંતના વિરહકાલમાં જીવને સહેલાઇથી સંસારસમુદ્ર તરવાનાં મુખ્ય બે અનુપમ સાધનો છે. એક જિનેશ્વર ભગવંતની શાન્ત કરૂણામૃતરસપૂર્ણ
3