Book Title: Prakrit Vidya 01 Author(s): Rajaram Jain, Sudip Jain Publisher: Kundkund Bharti TrustPage 49
________________ गंगा-हिमवदे मज्झे ईपंचदसंतरे । तीरभुतित्ति विक्खादो देस परम- पावणो ।। कोसिगी दु समारंभो गंडगीमहिगच्छदे । जोजणाणि चदुविंसिं वायामपरिकित्तिदो । । गंगप्पवाहमारंभ जाव हेमवदं वणं । वित्यरो सोलहो वृत्तो सस्स कुलणंदणो ।। विण्डुपुराणम्हि मिहिलाखंडे जो विदेहो अत्थि, तेसु विसालो वित्थरो वइसाली वि । सा गंगा-हिमवंत-पेरंत-मज्झे आसि । तस्सिं तीरहुत्तदेसो पंचदसंतर- धवहमाण - णदीजुत्तो अत्थि । तस्सिं पुव्वम्हि कोसिगी (कोसी), पच्छिमम्हि गंडगी, उत्तरम्हि हिमगिरी, दाहिणम्हि य गंगाणई। एसो तीरहुत्त-देसो पुव्व - पच्छिम - पेरतं चदुविंसजोयणाणि तध दाहिणं च सोलह जोयणाणि वित्थरो। विमलपुराणे उत्तरपुराणे वण्णणं अस्थि-सिंधु - अडविसण्णिगडे वेसाली। वइसालि-अहिवदी – वइसाली गणतंतस्स मूलणायगो महाराया चेडगो । लिच्छवीण खईण पहाणो वि। लिच्छवी - खत्तियाणं पमुहवंसो । विदेहाणं णरवईणं लिच्छवीसराणं च पुधु पुधु रज्जो। तेसिं संजुत्त-रूवं कादूण एग गणरज्जस्स ठाविदो । पुव्वे वज्जी वज्जिगण - णामसंघ रूवे विक्खादो। संपुण्ण-वज्जिगण - संघस्स रायधाणी वइसाली । सो लिच्छवीवंसस्स पहो इस गणतंतस्स अज्झक्खो । I वइसालि - गणरज्जस्स गणाहिवदी एस णिव्वादो अत्थि वइसाली विसालो गणतंतो। तस्स महाहिराया चेडगो, लिच्छवीणं पमुहो वि । सव्वेसुं गणतंतेसुं वइसाली पमुहो गणतंतो। जादग- - अट्ठकधाणुसारेणं अस्सिं समग्गगणरज्जे सदसहस्स - सद-सदा राया रज्जसत्तं संचाति धुधु जाणं । अणेग - राया, अवराया सेणावदी - भंडारिगा वि अत्थि । सव्वे रायाणो णिय-णिय-खेत्ताण रायाहियारी । तेसिं मूलाहिवदी गणाहिवदी य चेडगो। 1 उवएसमालाए चेडगस्स वइसाली - पुरीए सासगो जिणभत्त - सावगो भार्सेज्ज । तस्सि एव हेहय-कुल-संभूओ चेडग णाम निवो आसि त्ति वुत्तो । बुद्धागमेसु पिडगेसुं च चेडगस्स उल्लेहो णत्थि, किण्णु वइसालीए गणरज्जस्स पिडगेसुं उल्लेहो आसी। चेडगस्स कुल-परंपरा चेडगो धम्मणिट्ठो सुसावगो अत्थि । सो कत्तव्व - णिट्ठो कम्मपरायणो वियारगो उदारचेदा परक्कमी जिगिंदभत्तो, दाणी, णाणजणाणं माणी सम्माणी विणीदो रायणेइण्णो वि। तस्स पिदू वि सावग - गुणाहि विहूसगो णामेणं च कोसिगों मादुसिरी सोहणमदी सोहण-सदवियारसंपूण्णा । धम्मपरायणा पदिपरायणा धम्मसीला सुभद्दा तस्स भज्जा, भद्दपरिणामी विदुसी । ताए दसकुलपुत्ता सत्तपुत्तीओ जादा । धणदत्तो, धणभद्दो, उविंदो, सुदत्तो, सिंहभद्दो, सुलंभोजो, अकंपणो, पतंगगो, पहंजणो, पहासो य दसपुत्ता । पियकारिणी (तिसला), सुपपहा, पहावदी, मिगावदी, चेलणी, जेट्ठा, चंदणा य सत्ततणया णाणाविहकला-स -समावण्णा । सहावेणं सरला - Jain Ed प्राकृतविद्या जनवरी - जून 2001 (संयुक्तांक) महावीर - चन्दना - विशेषांक 47.orgPage Navigation
1 ... 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148
