Mahavira Charitam

Author(s): Gunchandrasuri
Publisher: Devchand Lalbhai Pustakoddhar Fund

Page 596

RANDUISERUMRATES
प्पमुहाणं सविसेसं आसायणापरिहारपरायणा जायत्ति । अह भयवं महावीरो मिढियग्गामनयराओ निक्खमित्ता समणसंघपरिवुडो गामाणुगामेण विहरमाणो संपत्तो रायगिहं नयरं, तस्स य अदूरविभागवत्तिमि गुणसिलयागिहाणचेइए विरइयं देवेहिं समोसरणं, पुवकमेण निसन्नो सिंघासणे जयगुरू साहिउं पवत्तो दयामूलं खमामहासंघ मूलगुणसाहासमाउलं उत्तरगुणपत्तनिगरसंछन्नं अइसयकुसुमविराइयं जससोरभभरियभुवणंतरं विसमसरतरणितावपणासगं सग्गापवग्गसुहफलदाणदुल्ललियं पवरजणसउणणिसेवणिज धम्ममहाकष्पतरुवरं। एत्थावसरंमि सेणियनराहिवो भयवंतं समवसरणट्ठियं सोऊण पहिओ अभयकुमारमेहकुमारनंदिसेणपुत्तपरिवरिओ वंदणवडियाए जयगुरुणो। कह चिय?डिंडीरपिंडपुंडरियहरियखरकिरणविंवकरपसरो । सहरिसहरिणच्छिकरयलुलसियचामरुग्घाओ ॥१॥ गजंतमत्तकुंजरमयजलपडिहणियरेणुपन्भारो । तरलतरतुरयपहकरसंखोहियमहियलाभोगो ॥२॥ रणज्झणिरकणयर्किकिणिमालाउलरहसमूहपरियरिओ। दप्पुभडसुहडसहस्सरुद्धनीसेसदिसिनिवहो ॥३॥ इय सेमिओ नरिंदो हरिसुकरिसं परं परहमाणो । करिणीखंधारूढो नीहरिओ नियपुराहिंतो॥ ४ ॥
तयणंतरं च पत्तो समोसरणं । जहाविहिणा य पविट्ठो तयभंतरे, तिपयाहिणीकाऊण बंदिउं जयगुरू निवितो । दासमुचिए भूमिभागे, भगवयाऽवि पारद्धा तदुचिया धम्मकहा। कहं ?
-