Mahavira Charitam

Author(s): Gunchandrasuri
Publisher: Devchand Lalbhai Pustakoddhar Fund

Page 701

श्रीगुणचंद महावीरच० ८ प्रस्तावः
॥ ३३९ ॥
धयंति देवलोगं वइरामयवट्टवरसमुग्गेसु । जिणसंकहाओ ताओ खिवंति जत्तेण पूत्ता ॥ ३५ ॥ अह सा जिणस्स निवाणजामिणीसुरतनूकउज्जोया । दीवसवोत्ति अजवि पड़वरिसं कीरइ जणेण ॥ ३६ ॥ गोअमसामीवि नहोयरंतसुरवरविमाणपेच्छणओ । नाउं जिणनित्राणं चिंतेउमिमं समाढत्तो ॥ ३७ ॥ एकदिणमेतज्ञेण कीस नाहेण पेसिओऽहमिहं ? | चिरसंथुपसु किं वा जुजइ एवंविहं काउं ? ॥ ३८ ॥ हा हा अहं अन्नो जो सुचिरं सेविऊण कमकमलं । पर्जते जयगुरुणी संपइ विच्छोहिओ एवं ॥ ३९ ॥ अहवा जिर्णमि वोच्छिन्नपेमदोसंमि कीस हे हियय ! | पढमं चिय पडिबंधं कुणसि ? जमेत्तो चहसि सोगं ॥ ४० ॥ संसारवल्लिजलसारणीसमो दुग्गदुग्गइदुवारं । सिवसोक्खकंखिराण मूलमणत्थाण पडिवधो ॥ ४१ ॥ ते धन्ना सप्पुरिसा लीलाए चिय निसुंभिओ जेहिं । सुहहरिणक्खयकारी मोहमहाकेसरिकिसोरो ॥ ४२ ॥ इय सुक्कज्झाणानलनिदघणघाइकम्मदारुस्स । गोअमपहुस्स सहसा उप्पन्नं केवलं नाणं ॥ ४३ ॥ बारस वासाई विवोहिऊण भने सिवं गए तंमि । भयवं सुहम्मसामी निवाणपहं पयासेइ ॥ ४४ ॥ तंमिवि चिरकालं विहरिऊण सिरिजंबुसामिणो दाउँ । गच्छगणाण मणुन्नं संपत्ते सिद्धिवासंमि ॥ ४५ ॥ एवं विज्जाहर नरसुरिंद संदोहबंदणिजेसु । समइकंतेसु महापसु सेजंभवाईसु ॥ ४६ ॥ अइसयगुणरयणनिही मिच्छत्ततमंधलोयदिणनाहो । दूरुच्छारियवइरो वइरसामी समुप्पन्नो ॥ ४७ ॥
इन्द्रादिभिरंगादि
नयन
निर्वाण
महय.
॥ ३३९ ।