Mahavira Charitam

Author(s): Gunchandrasuri
Publisher: Devchand Lalbhai Pustakoddhar Fund

Page 700

-
SSROGROGRESS
नचंतीसु सुरसुंदरीसु तुरेसु बजमाणेसु । अचंतसोगविहुरे संघमि य संथुगंतमि ॥ २२॥ . अग्गिकुमाराण जलणजालजालापलीवियाए लहुं । आरोविति चियाए जिणबुदि असुरसुरवइणो ॥२३॥ वाउकुमारा वायं कुगति अवरे सुरा पुण खिति । गंधहधूवमुहिँ घयमहुकुंभे य पुणरत्तं ॥ २४॥ मसाइएसु दड्डेसु तो चियं निवर्विति थणियसुरा । खीरोयवारिधाराहिं सिसिरगंधाभिरामाहिं ॥ २५ ॥ अह पहुणो उवरिलं मंगलकएण दाहिणं सकहं । गिण्हइ सको हेडिलयं च चमरो असुरराया ॥ २६ ॥ ईसाणिंदो वामं उवरिलं तस्स हिट्ठिमं च वली । इयरे सुरासुरिंदा जहारिहं अंगुवंगाई ॥ २७ ॥ तत्तो चियाय ठाणे विचित्तरयणेहिं विरइयं थूमं । निवाणगमणमहिमं जत्तेण कुणंति जयगुरुणो ॥२८॥ अह निवत्तियतकालजोग्गनीसेसनिययकायबा । सोगभरमंथरगिरं एवं भणिउं समाढत्ता ॥२९॥ अजं चिय अत्यमिओ दिवायरो अज भारहं खेत्तं । अवहरियसाररयणं जायं नाहे सिवं पत्ते ॥ ३० ॥ एत्तो पयंडभववेरिपीडियाणं पणबुद्धीण । अम्हारिसाण सरणं को होही नाह! तुह विरहे ? ॥३१॥ ससुरासुरंपि भुवणं मन्ने निप्पुन्नयं समग्गपि । अन्नह कुलसेलाऊ इंतोसि तुमं जिणवरिंदा ! ॥ ३२॥ अहवाऽवस्संभाविसु वत्थुसु संतावकप्पणा विहला । एकमियाणि विजयउ सइ तित्थं तुझ जयनाह! ॥३३ इय जंपिऊण दुस्सहजयगुरुविरहग्गिदूमिया सका। नंदीसरंमि गंतुं काउं अट्ठाहियामहिमं ॥ ३४ ॥