Ansho Shastrona

Author(s): Amarguptasuri, Chandraguptasuri
Publisher: Anekant Prakashan Jain Religious

Page 44

(૨) ઇવરપરિગૃહીતાગમન : અમુક દિવસ સુધી વેશ્યા પ્રમુખને
કોઇએ રાખી હોય તેની સાથે ગમન કરવું તે. (૩) અનંગક્રીડા: સ્ત્રીઓનાં અંગોપાંગ નિરખવાં તથા કામવિકાર
વધે એવી ચેષ્ટા કરવી તે અથવા મૈથુનનાં અંગ સિવાયનાં
અંગો વડે કામક્રીડા કરવી. (૪) પરવિવાહકરણ : પોતાના પુત્ર, પુત્રી સિવાય પારકાના
વિવાહ કરવા તે. (૫) તીવ્ર કામ-અભિલાષા : કામચેષ્ટામાં અતિતીવ્ર ઇચ્છા ધારણ
કરવી તે. (૫) સ્થૂલ પરિગ્રહ પરિમાણ વ્રત : આ વ્રતમાં ધન, ધાન્ય, ક્ષેત્ર (જમીન),
હાટ, હવેલી, સોનું, રૂપું, હલકી ધાતુ, બે પગવાળા નોકર, ચાકર, ચાર પગવાળા પશુ : આ નવ પ્રકારના પરિગ્રહનું પરિમાણ કરવું. પરિમાણથી (ધારેલી મર્યાદાથી) અધિક થઇ જાય તો ધર્મમાર્ગે
વાપરી નાંખવું. જ પાંચમા વ્રતમાં પાંચ અતિચાર : (૧) ધન, ધાન્ય જ્યારે ધારેલી
ધારણાથી અધિક થઇ જાય ત્યારે ધર્મખાતામાં વાપરવાના બદલે પુત્ર, પુત્રી અગર સ્ત્રી આદિના નામે ચઢાવી દે તે. (૨) ક્ષેત્રમાં બે ક્ષેત્રોને એક કરી નાંખી ધારેલા પરિમાણથી અધિક રાખે તે. (૩) સોનું, રૂપું પણ કોઇના નામ પર આઘુંપાછું કરી ધારણા કરતાં અધિક રાખે. (૪) ત્રાંબા, પિત્તળ વગેરે ધાતુઓમાં પણ એ જ પ્રમાણે આડા અવળા નામે ચઢાવી ગોટાળા કરે. (૫) દાસ, દાસી, ગાય, ભેંસ વગેરેમાં પણ મર્યાદાથી અધિક રાખી ગોટાળા કરે. દિશાપરિમાણ વ્રત : આ વ્રતમાં ચાર દિશા, ચાર વિદિશા, ઊર્ધ્વ અને અધો મળી દશ દિશામાં અમુક ગાઉ સુધી જવાનો નિયમ કરવો. (કાગળ,તાર, છાપાં વાંચવાની જયણા રાખી શકાય છે.) છઠ્ઠા વ્રતના પાંચ અતિચાર : (૧) મર્યાદા કરતાં વધારે ઊંચા જવું તે. (૨) મર્યાદા કરતાં વધારે નીચા જવું તે. (૩) ચાર દિશાની મર્યાદાનું ઉલ્લંઘન કરવું તે. (૪) બધી દિશાના ગાઉ ભેગા કરી એક દિશાએ વધારે જવું અર્થાત્ રાખેલા પ્રમાણમાં પોતાની ઇચ્છા મુજબ
4 અંશો શાસ્ત્રોના જ ૬૮ .
ઓછું-વધતું કરવું તે. (૫) કેટલા ગાઉ રાખ્યા છે એની ખબર ન રહેવાથી આગળ જવું. ભોગોપભોગવિરમણ વ્રત : ભોગ : ભોજન વિલેપન વગેરે જે એકવાર ઉપયોગમાં આવે છે. ઉપભોગ : જે ચીજ વારંવાર વપરાય જેવાં કે વસ્ત્ર, અલંકાર, ઘર, સ્ત્રી વગેરે
ભોગ અને ઉપભોગની વસ્તુનું પરિમાણ કરવું તે માટે નીચે જણાવેલ ચૌદ નિયમોને રોજ સવાર-સાંજ ધારવા અને સંક્ષેપવા. ચૌદ નિયમની વિગત : (૧) સચિત્ત : દિવસમાં જેટલાં સચિત્ત (જીવવાળાં) દ્રવ્ય મુખમાં
નાંખવાં હોય તેની સંખ્યા તથા વજન નક્કી કરવું. (૨) દ્રવ્ય : જુદાં જુદાં નામવાળી અને સ્વાદવાળી જેટલી ચીજો
ખાવી હોય તેની સંખ્યા રાખવી. (ધારવી) (૩) વિગઇ : ઘી, ગોળ, દૂધ, દહીં, તેલ અને કડા : એ છે
વિગઈમાંથી નિરંતર એક વિગઈનો (મૂળથી અથવા કાચીનો) ત્યાગ કરવો.
વાણહ : જોડા, ચંપલ, મોજાં વગેરેની સંખ્યા ધારવી. (૫) તંબોલ : સોપારી, એલચી, ચૂરણ વગેરે મુખવાસ ખાવાનું
માપ ધારવું. (૬) વO: દિવસમાં આટલાં વસ્ત્ર પહેરવાની સંખ્યા ધારવી (ધર્મ
કાર્યમાં વાપરવાની જયણા.). (૭) કુસુમ : સુંઘવાની વસ્તુનું વજન ધારવું.
વાહનઃ ગાડી, ઘોડા, ઊંટ, મોટર, ટ્રેન, ટ્રામ, બસ, વિમાન,
આગબોટ, નાવડા આદિ વાહનોમાં બેસવાની સંખ્યા ધારવી. (૯) શય્યા : આસન, ગાદી, ખુરશી, ટેબલ ઉપર બેસવાની
સંખ્યાનું માપ ધારવું. (૧૦) વિલેપન : શરીરે વિલેપન કરવાની વસ્તુનું માપ ધારવું. (૧૧) બ્રહ્મચર્ય : યથાશક્તિ તે વિષે નિયમ કરવો. (૧૨) દિશિ : દશે દિશામાં જવાની મર્યાદા બાંધવી.
વ અંશો શાસ્ત્રોના + ૬૯ ૦