Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 15

सच्चामोसवइ-पओगे असच्चामोसवइपओगे ओरालिअसरीकायपओगे ओरालिअमीससरीरकायपओगे वेउव्विअसरीरकाय-पओगे वेउव्विअमीससरीरकायपओगे कम्मसरीरकायपओपे,
सूरमंडले जोयणेणं तेरसहिं एगसट्ठिभागेहिं जोयणस्स ऊणे पन्नत्ते ।
इमीसे णं रयणप्पभाए पढवीए अत्थेगइयाणं नेरइयाणं तेरस पलिओवमाइं ठिई पन्नत्ता, पंचमाए णं पुढवीए अत्थेगइयाणं नेरइयाणं तेरस सागरोवमाइं ठिई पन्नत्ता ।
असुरकुमाराणं देवाणं अत्थेगइयाणं तेरस पलिओवमाई ठिई पन्नत्ता ।
सोहम्मीसाणेसु कप्पेसु अत्थेगइयाणं देवाणं तेरस पलिओवमाइं ठिई पन्नत्ता, लंतए कप्पे समवाओ-१३
अत्थेगइयाणं देवाणं तेरस सागरोवमाइं ठिई पन्नत्ता ।
जे देवा वज्जं सुवज्जं वज्जावत्तं वज्जप्पभं वज्जकंतं वज्जवण्णं वज्जलेसं वज्जज्झयं वज्जसिंग वज्जसिटुं वज्जकडं वज्जत्तरवडेंसगे वइरं वइरावत्तं वइरप्पभं वइरकतं वइरवण्ण वइरज्झयं वइरसिंगं वइरसिहं वइरकूडं वइरुत्तरवडेंसगं लोगं लोगावत्तं लोगप्पभं लोगकंतं लोगवण्णं लोगलेसं लोगज्झयं लोगसिंगं लोगसिटुं लोगकूडं लोगत्तरवडेसगं विमाणं देवत्ताए उववण्णा तेसि णं देवाणं उक्कोसेणं तेरस सागरोवमाई ठिई पन्नत्ता ते णं देवा तेरसहिं अद्धमासेहिं आणमंति वा पाणमंति वा ऊससंति वा नीससंति वा तेसि णं देवाणं तेरसहिं वाससहस्सेहिं आहारट्टे समुप्पज्जइ ।
संतेगइया भवसिद्धिया जीवा जे तेरसहिं भवग्गहणेहिं सिज्झिस्संति बुज्झिस्संति मुच्चिस्संति परिनिव्वाइस्संति सव्वदुक्खाण मंतं करिस्संति ।
तेरसमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च तेरसमो समवाओ समत्तो 0
0 चउद्दसमो-समवाओ 0 [२७] चउद्दस भूअग्गामा पन्नत्ता तं जहा- सुहमा अपज्जत्तया सुहमा पज्जत्तया बादरा अपज्जत्तया बादरा पज्जत्तया बेइंदिया अपज्जत्तया बेइंदिया पज्जत्तया तेइंदिया अपज्जत्तया तेइंदिया पज्जत्तया चउरिंदिया अपज्जतया चउरिंदिया पज्जत्तया पंचिंदिया असण्णिअपज्जत्तया पंचिदिया असण्णिपज्जत्तया पंचिंदिया सण्णिअपज्जत्तया पंचिंदिया सण्णिपज्जत्तया चउदसपव्वा पन्नत्ता तं जहा
[२८] उप्पायपुवामग्गेणियं च तइयं च वीरियं पव्वं ।
अत्थीनत्थिपवायं तत्तो नाणप्पवायं च ॥ [२९] सच्चप्पवायपुव्वं तत्तो आयप्पवायपुव्वं च ।
कम्मप्पवायपुव्वं पच्चक्खाणं भवे नवमं ।। [30] विज्जाअणुप्पवायं अबंझपाणाउ बारसं पव्वं ।
___ तत्तो किरियविसालं पुव्वं तह बिंदुसारं च ।। [३१] अग्गेणीअस्स णं पव्वस्स चउद्दस वत्थू पन्नत्ता ।।
समणस्स णं भगवओ महावीरस्स चउद्दस समणसाहस्सीओ उक्कोसिआ समणसंपया होत्था ।
[दीपरत्नसागर संशोधितः]
[14]
[४-समवाओ]