Agam 04 Samvao Chauttham Angsuttam Mulam PDF File

Book Title: Agam 04 Samvao Chauttham Angsuttam Mulam PDF File
Author(s): Dipratnasagar, Deepratnasagar
Publisher: Deepratnasagar

View full book textPrevious | Next

Page 50
________________

महाहिमवंतस्स णं वासहरपव्वयस्स उवरिल्लाओ चरिमंताओ सोगंधियस्स कंडस्स हेट्ठिल्ले चरिमंते एस णं बासीइं जोयणसयाइं अबाहाए-अंतरे प0 एवं रूप्पिसवि ।
0 बासीतिइमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च बासीतिइमो समवाओ समत्तो 0
0 तेयासीइइमो-समवाओ 0 [१६२] समणे भगवं महावीरे बासीइराइंदिएहिं वीइक्कंतेहिं तेयासीइमे राइंदिए वट्टमाणे गब्भाओ गब्भं साहरिए, सीयलस्स णं अरहओ तेसीति गणा तेसीति गणहरा होत्था ।
थेरे णं मंडियपुत्ते तेसीइं वासाइं सव्वाउयं पालइत्ता सिद्धे जाव प्पहीणे ।
उसभे णं अरहा कोसलिए तेसीइं पव्वसयसहस्साई अगारवासमज्झावसित्ता मुंडे भवित्ता णं जाव पव्वइए ।
भरहे णं राया चाउरंतचक्कवट्टी तेसीइं पुव्वसयसहस्साइं अगारमज्झावसित्ता जिणे जाए केवली सव्वण्णू सव्वभावदरिसी ।
0 तेयासीइइमो समवाओ समत्तो । 0 मुनि दीपरत्नसागरेण संशोधितः सम्पादित्तश्च तेयासीइइमो समवाओ समत्तो 0
0 चउरासीइइमो-समवाओ 0 [१६३] चउरासीई निरयावाससयसहस्साइं पन्नत्ता ।
उसभे णं अरहा कोसलिए चउरासीइं पव्वसयसहस्साई सव्वाउयं पालइत्ता सिद्ध बढे जाव प्पहीणे एवं भरहो बाब भी संदरी, सेज्जंसे णं अरहा चउरासीइं वाससयसहस्साई सव्वाउयं पालइत्ता सिद्धे जाव प्पहीणे ।
तिविट्ठ णं वासुदेवे चउरासीइं वाससयसहस्साइं सव्वाउयं पालइत्ता अप्पइहाणे नरए नेरइयत्ताए उववण्णे सक्कस्स णं देविंदस्स देवरण्णो चउरासीई सामाणियसाहिस्सीओ पन्नत्ताओ ।
सव्वेवि णं बाहिरया मंदरा चउरासीइं-चउरासीइं जोयणसहस्साइं उड्ढं उच्चत्तेणं पन्नत्ता सव्वेवि णं अंजणगपव्वया चउरासीइंचउरासीइं जोयणसहस्साइं उड्ढं उच्चत्तेणं पन्नत्ता, हरिवासरम्मवासियाणं जीवाणं घणपट्ठा चउरासीइं-चउरासीइं जोयणसहस्साई सोलस जोयणाइं चत्तारि भागा जोयणस्स परिक्खेवेणं पन्नत्ता ।
पंकबलस्स णं कंडस्स उवरिल्लाओ चरिमंताओ हेहिल्ले चरिमंते एस णं चोरासीइं जोयणसयसहस्साई अबाहाए अंतरे पन्नत्ते ।
विवाहपन्नत्तीए णं भगवतीए चउरासीइं पयसहस्सा पदग्गेणं प0,
चोरासीई नागकुमारावाससयसहस्सा पन्नत्ता चोरासीइं पइण्णगसहस्सा पन्नत्ता, चोरासीइं जोणिप्पमुहसयसहस्सा पन्नत्ता पुव्वाइयाणं सीसपहेलियापज्जवसाणाणं सट्ठाणंतराणं चोरासीए गुणकारे प0,
उसभस्स णं अरहओ कोसलियस्स चउरासीइं गणा चउरासीइं गणहरा होत्था, उसभस्स णं समवाओ-८४
[दीपरत्नसागर संशोधितः]
[49]
[४-समवाओ]


Page Navigation
1 ... 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81