Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 68

[२३८] केवइया णं भंते! असुरकुमारवासा पन्नत्ता ? गोयमा इमीसे णं रयणप्पभा पुढवी असीउत्तरजोयणसयसहस्सबाहल्लाए उवरिं एगं जोयणसहस्सं ओगाहेत्ता हेट्ठा चेगं जोयणसहस्सं वज्जेत्ता मज्झे अट्ठहत्तरे जोयणसयसहस्से एत्थ णं रयणप्पभए पुढवीए चउसट्ठि असुरकुमारा वाससयसहस्सा पन्नत्ता ते णं भवणा बाहिं वट्टा अंतो चउरंसा अहे पोक्खर कण्णिया संठाण - संठिया उक्किण्णंतर- विपुलगंभीर-खात- फलिया अट्टालय-चरिय-दारगोउर-कबाड-तोरण-पडिदुवार-देसभागा जंत-मुसल-मुसुंढि - सतग्धि
परिवारिया अउज्झा उडयालकोट्ठयरइया अडयाल-काय-वणमाला लाउल्लोइय महिया गोसीस - सरसरत्तचंदणदद्दर-दिण्णपंचंगुलितला कालागुरु-पवरकुंदुरुक्क तुरुक्क उज्झत-धूव-मधमर्धेत - गंधुद्धयाभिरामा सुगंधिवरगंधागंधिया गंधवट्टियाभूया अच्छा सण्हा लण्हा घट्टा मट्ठा नीरया निम्मला वितिमिरा विसुद्धा सप्पभा समा सउज्जोया पासाईया दरिसणिज्जा अभिरुवा पडिरुवा एवं जस्स जं कमती तं तस्स जं-जं गाहाहिं भणियं तह चेव वण्णओ- ।
पइण्णग समवाओ
[२३९] चउसट्ठी असुराणं चउरासीइ च होइ नागाणं । बावत्तरि सुवन्नाणं वायुकुमाराण छन्नउति ||
[२४०] दीवदिसाउदहीणं विज्जुकुमारिदथणियमग्गगणं छण्हंपि जुवलयाणं छावत्तरिमो सयसहस्सा
||
[२४१] केवइया णं भंते पुढवीकाइयावासा पन्नत्ता ? गोयमा ! असंखेज्जा पुढवीकाइयावासा पन्नत्ता, एवं जाव मणुस्सति ।
केवइया णं भंते वाणमंतरावासा पन्नत्ता ? गोयमा ! इमीसे णं रयणप्पभाए पुढवीए रयणामयस्स कंडस्स जोयणसहस्सबाहल्लस्स उवरिं एगं जोयणसयं ओगाहेत्ता हेट्ठा चेगं जोयणसयं वज्जेत्ता मज्झे अट्ठसु जोयणसएस एत्थ णं वाणमंतराणं देवाणं तिरिय-मसंखेज्जा भोमेज्जनगरावाससयसहस्सा पन्नत्ता, ते णं भोमेज्जा नगरा बाहिं वट्टा अंतो चउरंसा एवं जहा भवणवासीणं तहेव नेयव्वा, नवरं पडागमालाउला सुरम्मा पासाईया दरिसणिज्जा अभिरुवा पडिरूवा ।
केवइया णं भंते! जोइसियाणं विमाणावासा पन्नत्ता ? गोयमा ! इमीसे णं रयणप्पभा पुढवीए बहुसमर-मणिज्जाओ भूमिभागाओ सत्तनउयाइं जोयणसयाई उड्ढं उप्पइत्ता एत्थ णं दसुत्तरजोयणसयबाहल्ले तिरियं जोइसविसए जोइसियाणं देवाणं असंखेज्जा जोइसियविमाणावासा पन्नत्ता, ते णं जोइसियविमाणावासा अब्भुग्गयमूसिय-पहसिया विविहमणिरयणभत्तिचित्ता वाउछु - विजय-वेजयंती-पडाग-छत्तातिछत्तकलिया तुंगा गगणतलमणुलिहंतसिहरा जालंतररयण-पंजरुम्मिलितव्व मणि-कणग-थूभियागा विगसित सयपत्त-पुंडरीयतिलय-रयणड्ढचंद-चित्ता अंतो बहिं च सह तवणिज्ज वालुगा- पत्थडा सुहफासा सस्सिरीयरूवा पासाईया दरिसणिज्जा अभिरुवा पडिरूवा ।
केवइया णं भंते! वेमाणियावासा प० ? गोयमा ! इमीसे णं रयणप्पभाए पुढवीए बहुसमरमणिज्जाओ भूमिभागाओ उड्ढं चंदिम-सूरिय- गहगण-नक्खत्त-तारुरूवाणं वीइवइत्ता बहूणि जोयणाणि बहूणिं जोयणसयाणि बहूणि जोयणसहस्साणि बहूणि जोयणसयसहस्साणि बहूओ जोयणकोडीओ बहूओ जोयणकोडाकोडीओ असंखेज्जाओ जोयणकोडाकोडीओ उड्ढं दूरं वीइवइत्ता एत्थ णं वेमाणियाणं देवाणं सोहम्मीसाण-सणंकुमार-माहिंद बंभ-लंतग सुक्क सहस्सार आणय-पाणय-आराणच्चएस गेवेज्जमणुत्तरेसु य चउरासीइं विमाणवाससयसहस्सा सत्ताणउइं सहस्सा तेवीसं च विमाणा भवंतीति मक्खाया, ते णं विमाणा [दीपरत्नसागर संशोधितः]
[४- समवाओ]
[67]
I