Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 69

अच्चिमालिप्पभा भासरासिवण्णाभा अरया नीरया निम्मला वितिमिरा विसुद्धा सव्वरयणामया अच्छा सहा लण्हा घट्टा मट्ठा निप्पंका निक्कंकडच्छाया सप्पभा समिरीया सउज्जोया पासाईया दरिसणिज्जा अभिरुवा पडिरुवा ।
सोहम्मे णं भंते! कप्पे केवइया विमाणवासा पन्नत्ता ? गोयमा ! बत्तीसं विमाणावाससयसहस्सा प0, एवं ईसाणइसु-अट्ठावीसं बारस अट्ठ चत्तारि एयाइं सयसहस्साइं पन्नासं चत्तालीसं छ-एयाइं सहस्साइं आणए पाणए चत्तारि आरणच्चुए तिण्णिएयाणि सयाणि एवं गाहाहिं भाणियव्वं ।
पइण्णग समवाओ
[२४२] बत्तीसट्ठावीसा बारस अट्ठ चउरो सयसहस्सा 1 पण्णा चत्तालीसा छच्च सहस्सा साहस्सारे || [२४३] आणयपाणयकप्पे चत्तारि सयाऽऽरणच्चु तिनि । तिण्णेगं पंचूणं पंचेव अनुत्तरा नरगा || [२४४] एक्कारसुत्तरं हेट्ठिमेसु सत्तुत्तरं च मज्झिम ।
सयमेगं उवरिम पंचेव अनुत्तरविमाणा
||
[२४५] नेरइयाणं भंते! केवइयं कालं ठिई पन्नत्ता ? गोयमा ! जहण्णेणं दस वाससहस्साइं उक्कोसेणं तेत्तीसं सागरोवमाइं ठिई पन्नत्ता, अपज्जत्तगाणं भंते! नेरइयाणं केवइयं कालं ठिई पन्नत्ता ? गोयमा! जहन्नेणं अंतोमुहुत्तं उक्कोसेणवि अंतोमुहुत्तं,
पज्जत्तगाणं भंते नेरइयाणं केवइयं कालं ठिई पन्नत्ता ? गोयमा ! जहण्णेणं दस वाससहस्साइं अंतोमुहुत्तूणाई उक्कोसेणं तेत्तीसं सागरोवमाइं अंतोमुहुत्तूणाइं ।
इमीसे णं रयणप्पभाए पुढवीए एवं जाव विजय- वेजयंत- जयंत अपराजियाणं भंते! देवाणं केवइयं कालं ठिई पन्नत्ता ? गोयमा ! जहण्णेणं बत्तीसं सागरोवमाइं उक्कोसेणं तेत्तीसं सागरोवमाई, सव्वट्टे अजहण्णणुक्कोसेणं तेत्तीसं सागरोवमाइं ठिई पन्नत्ता ।
[२४६] कति णं भंते! सरीरा पन्नत्ता ? गोयमा ! पंच सरीरा पन्नत्ता तं जहा- ओरालिए वेव्विए आहारए तेयए कम्मए ।
ओरालियसरीरे णं भंते कइविहे पन्नत्ते? गोयमा ! पंचविहे पन्नत्ते तं जहाएगिंदियओरालियसरीरे जाव गब्भवक्कंतियमणुस्सपंचिदियओरालियसरीरे य ।
ओरालियसरीरस्स णं भंते! केमहालिया सरीरोगाहणा पन्नत्ता ? गोयमा ! जहणणेणं अंगुलस्स असंखेज्जतिभागं उक्कोसेणं साइरेगं जोयणसहस्सं, एवं जहा ओगाहणासंठाणे ओरालियपमाणं तहा निरवसेसं, एवं जाव मणुस्सेत्ति उक्कोसेणं तिण्णि गाउयाई ।
कइविहे णं भंते! वेउव्वियसरीरे पन्नत्ते ? गोयमा ! दुविहे पन्नत्ते-एगिंदियवेउव्वियसरीरे य पंचिंदियवेउव्वियसरीरे य, एवं जाव ईसाणकप्पपज्जंतं सणकुमारे आढत्तं जाव अनुत्तरा भवधारणिज्जा जाव तेसिं रयणी - रयणी परिहायइ ।
आहारयसरीरे णं भंते! कइविहे पन्नत्ते ? गोयमा ! एगाकारे पन्नत्ते, जइ एगाकारे पन्नत्ते किं मणुस्सआहारयसरीरे अमणुस्सआहारयसरीरे? गोयमा! मणुस्स आहारगसरीरे नो अमणुस्स आहारगसरीरे,
[दीपरत्नसागर संशोधितः ]
[68]
[४- समवाओ]