Book Title: Agam 04 Samvao Chauttham Angsuttam Mulam PDF File
Author(s): Dipratnasagar, Deepratnasagar
Publisher: Deepratnasagar
View full book text
________________
पमत्तसजय-सम्मद्दिट्ठिपज्जत्तय-संखेज्जवासाउय-कम्मडूमग-गब्भवक्कंति-यमणुस्स
जइ
आहारयसरीरे किं इड्ढि पत्तपमत्तसंजय - सम्मद्दिट्ठि-पज्जत्तय-संखेज्जवासाउय-कम्मभूमग-गब्भ-वक्कंतियमणुस्स- आहारयसरीरे अणिड्ढिपत्त- पमत्तसंजय-सम्मद्दिट्ठि-पज्जत्तय-संखेज्जवासाउय-कम्म-भूमग-गब्भवक्कंतियमणुस्सआहारयसरीरे ? गोयमा ! इड्ढिपत्त-पमत्तसंजय सम्मद्दिट्ठी-पज्जत्तय-संखेज्जवा-साउयकम्मभूमग-गब्भवक्कंतियमणुस्सआहारयसरीरे नो अणिढिपत्त- पमत्तसंजयसम्मद्दिट्ठिपज्जत्तय-संखेज्जवासाउय कम्मभूमग-गब्भवक्कंतियमणुस्स आहारयसरीरे ।
आहारयसरीरे णं भंते! किं संठिए पन्नत्ते ? गोयमा ! समचउरंससंठाणसंठिए पन्नत्ते, आहारय-सरीरस्स केमहालिया सरीरोगाहणा पन्नत्ता ? गोयमा जहण्णेणं देसूणा रयणी उक्कोसेणं पडिपुण रयणी ।
तेयासरीरे णं भंते! कतिविहे पन्नत्ते? गोयमा ! पंचविहे पन्नत्ते - एगिंदियतेयासरीरे य बेइंदियतेयारसरीरे य तेइंदियतेयासरीरे य चउरिंदियतेयासरीरे य पंचेंदियतेयासरीरे य एवं जाव गेवेज्जस्स णं भंते! देवस्स मारणंतियसमुग्धातेणं समोहयस्स तेयासरीरस्स केमहालिया सरीरो गाहणा पन्नत्ता ? गोयमा सरीरप्पमाणमेत्ती विक्खंभबाहल्लेणं आयामेणं जहन्नेणं अहे जाव विज्जाहरसेढीओ उक्कोसेणं अहे जाव अहोलोइया गामा, तिरियं जाव मणुस्स खेत्तं, उड्ढं जाव सयाइं विमाणाइं, एवं अनुत्तरोववाइया वि एवं कम्मयसरीरं पि भाणियव्वं । पइण्णग समवाओ
[२४७] कइविहे णं भंते! ओही पन्नत्ते ? गोयमा! दुविहे पन्नत्ते खओवसमिए य एवं सव्वं ओहिपदं भाणियव्वं ।
[२४८]
भवपच्चइए य
सीता य दव्व सारीर साय तह वेयणा भवे दुक्खा । अब्भुवगमुक्कमिया निदाए चेव अणिदाए || [२४९] नेरइया णं भंते! किं सीतवेयणं वेदंति उसिणवेयणं वेदंति सीतोसिणं वेयणं वेदंति ? गोयमा! नेरइया० एवं चेव वेयणापदं भाणियव्वं ।
कइ णं भंते! लेसाओ पन्नत्ताओ? गोयमा ! छ लेसाओ पन्नत्ताओ, तं जहा- किण्हलेस्सा नीललेसा काउलेसा तेउलेसा पम्हलेसा सुक्कलेसा एवं लेसापयं भाणियव्वं ।
[२५] अनंतरा य आहारे आहाराभोगणाऽवि य | पोग्गला नेव जाणंति अज्झवसाणा य सम्मत्ते ॥
[२५१] नेरइया णं भंते! अनंतराहारा तओ निव्वत्तणया तओ परियाइयणया तओ परिणामणया तओ परियारणया तओ पच्छा विकुव्वणया ? हंता गोयमा ! एवं आहारपदं भाणियव्वं । [२५२] कइविहे णं भंते! आउगबंधे पन्नत्ते? गोयमा ! छव्विहे आउगबंधे पन्नत्ते, तं जहाजाइनामनिधत्ताउके गतिनामनिधत्ताउके ठिइनामनिधत्ताउके पएसनामनिधत्ताउके अनुभागनामनिधत्ताउके ओगाहणानामनिधत्ताउके ।
नेरइयाणं भंते! कइविहे आउगबंधे प0 ? गोयमा ! छव्विहे पन्नत्ते तं जहा- जातिनाम निधत्ताउके जाव ओगाहणानामनिधत्ताउके एवं जाव वेमाणियत्ति ।
निरयगई णं भंते! केवइयं कालं विरहिया उववाएणं पन्नत्ता? गोयमा ! जहण्णेणं एक्कं समयं उक्कोसेणं बारसमुहुत्ते, एवं तिरियगई मणुस्साई देवगई ।
[दीपरत्नसागर संशोधितः]
[70]
[४- समवाओ]

Page Navigation
1 ... 69 70 71 72 73 74 75 76 77 78 79 80 81