Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 72

सिद्धिगई णं भंते! केवइयं कालं विरहिया सिज्झणयाए पन्नत्ता? गोयमा! जहन्नेणं एक्कं समयं उक्कोसेणं छम्मासे, एवं सिद्धिवज्जा उव्वट्ठणा ।
इमीसे णं भंते! रयणप्पभाए पढवीए नेरइया केवइयं कालं विरहिया उववाएणं?, एवं उववायदंडओ भाणियव्वो,
उव्वट्टणादंडओ वि नेरइया णं भंते! जातिनामनिहत्ताउगं कतिहिं आगरिसेहिं पगरेंति? गोयमा! सिय एक्केण सिय दोहिं सिय तीहिं सिय चउहिं सिय पंचहि सिय छहिं सिय सत्तहिं सिय अट्ठहिं, नो चेव णं नवहिं, सेसाणि वि आउगाणि जाव वेमाणियत्ति ।
[२५३] कइविहे णं भंते! संघयणे पन्नत्ते? गोयमा! छविहे संघयणे पन्नत्ते, तं जहावइरोसभनारायसंघयणे रिसभनारायसंघयणे नारायसंघयणे अद्धनारायसंघयणे कीलियासंघयणे छेवट्टसंघयणे
नेरइया णं भंते! किंसंधयणी? गोयमा! छण्हं संघयणाणं असंघयणी-नेवट्ठी नेव छिरा नेव न्हारू जे पोग्गला अनिट्ठा अकंता अप्पिया असभा अमण्ण्णा अमणामा ते तेसिं असंघयणत्ताए परिणमंति ।
असुरकुमारा णं भंते! किंसंधयणी पन्नत्ता? गोयमा! छण्हं संघयणाणं असंधयणी-नेवट्ठी नेव छिरा नेव न्हारू जे पोग्गला इट्ठा कंता पिया सभा मणण्णा मणामा ते तेसिं असंघयणत्ताए परिणमंति एवं जाव थणियकुमारत्ति पइण्णग समवाओ
पढवीकाइया णं भंते! किसंघयणी पन्नत्ता? गोयमा! छेवट्ठसंधयणी पन्नत्ता, एवं जाव संमच्छिमपंचिंदियतिरिक्खजोणियत्ति, गब्भवक्कंतिया छव्विहसंधयणी, संमच्छिममणस्सा णं छेवट्टसंधयणी गब्भवक्कंतियमणुस्सा छव्विहसंधयणी पन्नत्ता जहा- असुरकुमारा तहा वाणमंतरा जोइसिया वेमाणिया य
कइविहे णं भंते! संठाणे पन्नत्ते? गोयमा! छव्विहे संठाणे पन्नत्ते तं जहा- समचउरंसे नग्गोहपरिमंडले साती खुज्जे वामणे हंडे ।
नेरइया णं भंते! किंसंठाणा पन्नत्ता? गोयमा! हंडसंठाणा पन्नत्ता ।
असुरकुमारा किं संठाणी प0? गोयमा! समचउरंससंठाणसंठिया पन्नत्ता, एवं जाव थणिय कुमारा,
पुढवी मसूरयसंठाणा पन्नत्ता, आऊ थियसंठाणा पन्नत्ता, तेऊ सूइकलालसंठाणा पन्नत्ता, वाऊ पडागसंठाणा पन्नत्ता, वणप्फई नाणासंठाणसंठिया पन्नत्ता, वेइंदिय-तेइंदिय-चउरिंदियसम्मुच्छिम-पंचेंदियतिरिक्खा हुंडसंठाणा पन्नत्ता, गब्भवक्कंतिया छव्विहसंठाणा पन्नत्ता, सम्मुच्छिममणुस्सा हुंडसं-ठाणसंठिया पन्नत्ता, गब्भवक्कंतियाणं मणुस्साणं छव्विहा संठाणा पन्नत्ता, जहा असुरकुमारा तहा वाण-मंतरा जोइसिया वेभाणिया ।
__ [२५४] कइविहे णं भंते! वेए पन्नत्ते? गोयमा! तिविहे वेए प0- इत्थीवेए परिसवेए नपुंसगवेए ।
नेरइया णं भंते! कि इत्थीवेया पुरिसवेया नपुंसगवेया पन्नत्ता? गोयमा! नो इत्थिवेया नो पूंवेया नपुंसगवेया प0
[दीपरत्नसागर संशोधितः]
[71]
[४-समवाओ]