Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 57

पासस्स णं अरहओ छ सया वाईणं सदेवमण्यारे लोए वाए अपराजिआणं उक्कोसिया वाइसंपया होत्था । पइण्णग समवाओ
अभिचंदे णं कुलगरे छ धणुसयाई उड्ढं उच्चत्तेणं होत्था,
वासुपुज्जे णं अरहा छहिं पुरिससएहिं सद्धिं मुंडे भवित्ता अगाराओ अणगारियं पव्वइ ।
[१८९] बंभ-लंतएस् कप्पेस् विमाणा सत्त-सत्त जोयणसयाइ उड्ढे उच्चत्तेणं पन्नत्ता ।
समणस्स णं भगवओ महावीरस्स सत्त जिणसया होत्था, समणस्स भगवओ महावीरस्स सत्त वेउव्वियसया होत्था, अरिट्ठनेमी णं अरहा सत्त वाससयाई देसूणाई केवलपरियागं पाउणित्ता सिद्धे जाव प्पहीणे ।
महाहिमवंतकूडस्स णं उवरिल्लाओ चरिमंताओ महाहिमवंतस्स वासहर पव्वयस्स समे धरणितले एस णं सत्त जोयणसयाई अवाहाए अंतरे पन्नत्ते, एवं रूप्पिकूडस्सवि ।
[१९0] महासुक्क-सहस्सारेसु-दोसु कप्पेसु विमाणा अट्ट-अट्ठ जोयणसयाई उड्ढं उच्चत्तेणं पन्नत्ता ।
इमीसे णं रयणप्पभाए पुढवीए पढमे कंडे अट्ठसु जोयणसएसु वाणमंतरभोमेज्ज विहारा पन्नत्ता,
समणस्स णं भगवओ महावीरस्स अट्ठसया अनुत्तरोववाइयाणं देवाणं गइकल्लाणाणं ठिईकल्लाणाणं आगमेसिभदाणं उक्कोसिआ अनुत्तरोववाइयसंपया होत्था ।
इमीसे णं रयणप्पभाए पुढवीए बहुसमरमणिज्जाओ भूमिभागाओ अट्ठहिं जोयणसएहिं सुरिए चारं चरित ।
अरहओ णं अरिहनेमिस्स अट्ठ सयाई वाईणं सदेवमणुयासुरंमि लोगंमि वाए अपराजियाणं उक्कोसिया वाइसंपया होत्था ।
[१९१] आणय-पाणय-आरणच्चुएसु कप्पेसु विमाणा नव-नव जोयणसयाई उड्ढे उच्चत्तेणं पन्नत्ता ।
निसहकूडस्स णं उवरिल्लाओ सिहरतलाओ निसढस्स वासहरपव्वयस्स समे धरणितले एस णं नव जोयणसयाई अबाहाए अंतरे पन्नत्ते, एवं नीलवंतकूडस्सवि ।
विमलवाहणे णं कुलगरे णं नव धणसयाइं उड्ढे उच्चत्तेणं होत्था ।
इमीसे णं रयणप्पभाए पुढवीए बहुसमरमणिज्जाओ भूमिभागाओ नवहिं जोयणसएहिं सव्वपरिमे तारारूवे चारं चरइ, निसढस्स णं वासधरपव्वयस्स उवरिल्लाओ सिहरतलाओ इमीसे णं रयणप्पभाए पुढवीए पढमस्स कंडस्स बहुमज्झदेसभाए एस णं नव जोयणसयाई अबाहाए अंतरे पन्नत्ते, एवं नीलवंतस्सवि ।
[१९२] सव्वेवि णं गेवेज्जविमाणा दस-दस जोयणसयाई उड्ढं उच्चत्तेणं पन्नत्ता ।
सव्वेविं णं जमगपव्वया दस-दस जोयणसयाई उड्ढं उच्चत्तेणं दस-दस गाउय-सयाई उव्वेहेणं मूले दस-दस जोयणसयाई आयामविक्खंभेणं पन्नत्ता, एवं चित्त-विचित्तकूडा वि भाणियव्वा, सव्वेवि णं वट्टवेयड्ढपव्वया दस-दस जोयणसयाई उड्ढं उच्चत्तेणं प0, दस-दस गाउयसयाई उव्वेहेणं प0,
[दीपरत्नसागर संशोधितः]
[56]
[४-समवाओ]