Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 55

रेवईपढमजेट्ठपज्जवसाणाणं एगूणवीसाए नक्खत्ताणं अट्ठाणउइं ताराओ तारग्गेणं प० ।
अद्वाणउइइमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च अट्ठाणउइइमो समवओ समत्तो 0
0 नवणउड्डमो-समवाओ 0 [१७८] मंदरे णं पव्वए नवनउइं जोयणसहस्साई उड्ढं उच्चत्तेणं पन्नत्ते, नंदनवनस्स णं पुरथिमिल्लाओ चरिमंताओ पच्चत्थिमिल्ले चरिमंते एस णं नवणउइं जोयणसयाई अबाहाए अंतरे पन्नत्ते, एवं दक्खिणिल्लाओ चरिमंताओ उत्तरिल्ले चरिमंते एस णं नवणउई जोयणसयाइं अबाहाए अंतरे पन्नत्ते ।
पढमे सूरियमंडले नवणउइं जोयणसहस्साइं साइरेगाई आयामविक्खिंभेणं प0, दोच्चे सूरियमंडले नवणउइं जोयणसहस्साइं साहियाइं आयामविक्खंभेणं प0, तइए सूरियमंडले नवनउइं जोयणसहस्साइं साहियाई आयामविक्खंभेणं प0 इमीसे णं रयणप्पभाए पुढवीए अंजणस्स कंडस्स हेढिल्लाओ चरिमंताओ वाणमंतर-भोमेज्ज-विहाराणं उवरिल्ले चरिमंते एस णं नवणउइं जोयणसयाई अबाहाए अंतरे पन्नत्ते ।
नवणउइइमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च नवणउइइमो समवाओ समत्तो 0
0 सततमो-समवाओ 0 [१७९] दसदसमिया णं भिक्खुपडिमा एगेणं राइंदियसतेणं अद्धछठेहिं भिक्खासतेहिं अहासुत्तं जाव आराहिया यावि भवइ ।
सयभिसया नक्खत्ते एक्कसयतारे पन्नत्ते ।
सविही पुप्फदंते णं अरहा एगं धणसयं उड्ढे उच्चत्तेणं होत्था, पासे णं अरहा परिसादाणीए एक्कं वाससयं सव्वाउयं पालइत्ता सिद्ध बद्धे जाव प्पहीणे, एवं थेरे वि अज्जसहम्मे ।
सव्वेविं णं दीहवेयड्ढपव्वया एगमेगं गाउयसयं उड्ढं उच्चत्तेणं पन्नत्ता, सव्वेवि णं चुल्लहिमवंत-सिहरी-वासहरपव्वया एगमेगं जोयणसयं उड्ढं उच्चेत्तेणं एगमेगं गाउसयं उव्वेहेणं पन्नत्ता, सव्वेवि णं कंचणगपव्वया एगमेगं जोयणसयं उड्ढं उच्चत्तेणं एगमेगं गाउयसयं उव्वेहेणं एगमेगं जोयणसयं मूले विक्खंभेणं पन्नत्ता ।
सततमो समवाओ समत्तो । 0 मुनि दीपरत्नसागरेण संशोधितः सम्पादित्तश्च सततमो समवाओ समत्तो 0
0 पड़ण्णग-समवाओ 0 [१८0] चंदप्पभे णं अरहा दिवड्ढं धणसयं उड़ढं उच्चत्तेणं होत्था,
आरणे कप्पे दिवड्ढं विमाणावाससयं पन्नत्तं एवं अच्चुएविं । [१८१] सुपासे णं अरहा दो धणुसयाइं उड्ढं उच्चत्तेणं होत्था ।
सव्वेविं णं महाहिमवंतरूप्पी-वासहरपव्वया दो-दो जोयणसयाई उड्ढं उच्चत्तेणं दो-दो
[दीपरत्नसागर संशोधितः]
[54]
[४-समवाओ]